उम्मेद्धारमाथि आक्रमणले निर्वाचन आयोग स्तब्ध

<p><span style="line-height: 1.42857;">काठमाडौं ।</span><br></p><p>निर्वाचन आयोगले देशका केही स्थानमा उम्मेदवार लक्षित हिंसात्मक घटनाहरु भएकोमा &nbsp;दुःख व्यक्त गरेको छ ।</p><p>&nbsp;मतदाता, राजनीतिक दल र उम्मेदवारहरूको व्यापक सहभागितामा देशभर व्यवस्थित रुपमा निर्वाचनको अभियान सञ्चालन भइरहेको अवस्थामा मतदाता, उम्मेदवारहरुलाई हतोत्साहित गर्ने तथा निर्वाचनका गतिविधिमा नकारात्मक असर पर्ने खाले गतिविधि नगर्न, नगराउन सम्बद्ध सरोकारवासग आयोगले आग्रह गरेको छ ।</p><p><br></p><p>जनताको शान्ति र समृद्धिको चाहनालाई सम्मान गर्न र संघीय लोकतान्त्रिक गणतन्त्रको माध्यमबाटै शान्तिपूर्ण रूपमा आफ्ना गतिविधिहरुलाई अगाडि बढाउन सकिने व्यवस्था रहँदा रहँदै जनचाहनाविपरीतका हिंसात्मक घटना गराउनु दुखपूर्ण रहेको आयोगले जनाएको छ ।</p><p><br></p><p>&nbsp;निर्वाचनका लागि नेपाल सरकारले बनाएको निर्वाचन सुरक्षा योजनाप्रति विश्वस्त रहेको जनाउदै आयोगले हालैका दिनमा देशका विभिन्न ठाउँमा भएका घटनाक्रमबाट उम्मेदवारहरूले शान्तिपूर्णरूपमा प्रचारप्रसार गर्न पाउने अधिकार र मतदाताले भयरहित वातावरणमा मतदान गर्न पाउने नैसर्गिक अधिकारमा बाधा व्यवधानले स्तब्ध तुल्याएको जनाएको छ ।</p><p>&nbsp;</p><p>&nbsp;बेलैमा थप सुरक्षा सर्तकता अपनाउन &nbsp;सरकारसग आग्रह गर्दै आयोगले यस्ता गतिविधिबाट हतोत्साही नभई आफ्ना नियमित निर्वाचनसम्बन्धी क्रियाकलापमा संलग्न रहन सम्पूर्ण राजनीतिक दल, उम्मेदवार, मतदाता एवम् निर्वाचनका सरोकारवालासँग अनुरोध गरिएको आयोगका प्रवक्ता नवराज ढकालले जानकारी दिनुभयो ।</p><p><br></p><p>राष्ट्रहित, लोकतन्त्र र अग्रगामी परिवर्तनका लागि नेपाली जनताले पटक–पटक गर्दै आएका ऐतिहासिक जनआन्दोलन, सशस्त्र संघर्ष, त्याग र बलिदानबाट प्राप्त उपलब्धिको रक्षा तथा संस्थागत गर्न देश अहिले लोकतान्त्रिक निर्वाचन अभियानमा अग्रसर रहेको आयोगले विज्ञप्ति मार्फत उल्लेख गरेको छ ।</p>