भारतलाई पराजित गरेको नेपाली युवा क्रिकेट टोली मलेसियासँग भिड्दै

<p><span style="line-height: 1.42857;">काठमाडौं ।</span><br></p><p>भारतलाई ऐतिहाँसिक रुपमा पराजित गर्दै किर्तिमानी जित निकालेको नेपाली युवा क्रिकेट टोली उच्च मनोबलका साथ मलेसियासँग उसकै घरेलु मैदानमा सामना गर्दैछ ।</p><p><br></p><p>नेपालले मलेसियामा जारी आई सी सी अण्डर १९ यूथ यशिया कप क्रिकेट प्रतियोगिताको आफ्नो तेस्रो तथा लिगको तेस्रो खेलमा मलेसियासँग खेल्न लागेको हो ।</p><p><br></p><p>आईतबार भएको दोस्रो खेलमा नेपालले भारतलाई पराजित गर्दै एतिहासिक सफलता प्राप्त गरेको थियो । पहिलो खेलमा भने नेपाल बंगलादेशसँग पराजित भएको थियो ।</p><p><br></p><p>समूह ए को मंगलबार भएको खेलमा बंगलादेशले आयोजक मलेसियालाई २ सय ६२ रनले पराजित गर्दै ४ अङ्गसहित समूहको श्रीर्ष स्थानमा उक्लिएको छ ।</p><p><br></p><p>नेट रन रेटका आधारमा २ अङ्कसहित भारत दोस्रो स्थनमा रहेको छ भने समान २ अङ्क रहेको नेपाल तेस्रो स्थानमा रहेको छ । मलेसियाले अहिले सम्म कुनै अङ्क जोड्न सकेको छैन ।</p><p><br></p><p>उता, समूह बी को मंगलबार नै भएको खेलमा पाकिस्तानले श्रीलङ्कालाई ३ विकेटले पराजित गरेको छ ।</p><p><br></p><p>समूह बी मा पाकिस्तान ४ अङ्कसहित पहिलो स्थनमा छ भने नेट रन रेटका आधारमा समान ४ अङ्क रहेको श्रीलङ्का दोस्रो स्थानमा रहेको छ ।</p><p><br></p><p>अफ्गानिस्तान २ अङ्कसहित तेस्रो स्थानमा रहेको छ भने चौथो स्थानमा रहेको संयुक्त अरब ईमिरेट्स् यु ए ई ले अहिले सम्म कुनै अङ्क प्राप्त गर्न सकेको छैन ।</p><p><br></p><p>समूहको विजेता र उपविजेता समिफाईनलमा प्रवेश गर्ने छन् ।&nbsp;</p>