पूर्वप्रधानमन्त्री कीर्तिनिधि बिष्टको निधन

<p><span style="line-height: 1.42857;">काठमाडौं ।</span><br></p><p>पूर्वप्रधानमन्त्री कीर्तिनिधि बिष्टको शनिबार एकानब्बे बर्षको उमेरमा आफ्नै निवासमा निधन भएको छ ।</p><p><br></p><p>शनिबार बिहान साढे १० बजे काठमाडौंको ज्ञानेश्वरस्थित आफ्नै निवासमा क्यान्सर रोगबाट पिडित बिष्टको निधन भएको हो ।</p><p>राजनीतिज्ञको रुपमा समेत परिचित पूर्वप्रधानमन्त्री बिष्ट करिब एक वर्षदेखि घरमै आराम गरिरहेका थिए ।</p><p><br></p><p>बिष्ट तीनपटक प्रधानमन्त्री र एकपटक राजाको शासनकालमा मन्त्रिपरिषद्को उपाध्यक्ष भएका थिए ।</p><p>काठमाडौंको ठमेलमा जन्मेका विष्ट पिता चन्द्रनिधि र माता धनकुमारीको कोखबाट &nbsp;१५ जनवरी १९२७ मा भएको थियो ।&nbsp;</p><p>&nbsp;</p><p>सन् १९५८ मा परामर्शदात्री सभाको सदस्य हुनुभएका विष्ट सन् १९६१ मा सहायक मन्त्री, मन्त्री, मन्त्रिपरिषद्का उपाध्यक्ष, उपप्रधानमन्त्री हुँदै सन् १९६९, १९७१, १९७२ र १९७७ गरी चारपटक प्रधानमन्त्री भएको थिए ।</p><p>विसं २०६१ मा माघ १९ गते ज्ञानेन्द्र शाहले प्रत्यक्ष शासन सञ्चालन गरेपछि उनलाई विसं २०६१ फागुनमा उपाध्यक्षमा नियुक्त गरेका थिए ।&nbsp;</p><p><br></p><p>विसं २०३० मा सिंहदरबार आगलागी हुँदा नैतिकताको कारण राजीनामा दिई नेपालको इतिहासमा चर्चित हुनुएका उपाध्यक्ष विष्टले नै चुनावमा भाग लिँदा आफ्नो पदबाट राजीनामा दिने चलनको शुरुवात गरेका थिए । &nbsp;</p><p><br></p><p>१९ माघ ०६१ मा तत्कालीन राजा ज्ञानेन्द्रले शासन सत्ता हातमा लिएपछि उनी मन्त्रिपरिषद्का उपाध्यक्ष बन्न पुगेका थिए ।</p><p><br></p><p>प्रधानमन्त्रीका रुपमा बालुवाटारस्थित सरकारी निवास प्रयोग गर्ने उनी पहिलो नेता थिए ।</p><p><br></p><p>विसं २००७ मा प्रजातन्त्र पुनःस्थापनापछि गठित राष्ट्रिय जनता परिषद्को उपसभापति र सभापति पनि रहेका साथै सोही पार्टीबाट उनी विसं २०१५ फागुन गते भएको काठमाडौं–३ मा प्रतिनिधिसभाका लागि उम्मेदवार बनेका थिए । &nbsp;</p><p><br></p><p>उनले तत्कालीन वाग्मती पुनःरुत्थान कोष, वीरेन्द्र गद्दी आरोहण नागरिक मूल समारोह समिति, त्रिभुवन स्मारक समिति र राष्ट्रिय सम्मान समितिका अध्यक्षको जिम्मेवारी पनि निर्वाह गरेका थिए । &nbsp;</p><p><br></p><p>सन् १९९६ मा प्रतिनिधिसभाले महाकाली सन्धि अनुमोदन गर्दा विरोध प्रदर्शन गरेबापत उनी पक्राउ परेका थिए ।</p><p><br></p><p>विष्टको आजै पशुपति आर्यघाटमा अन्त्येष्टी गरिएको छ । आफूलाई राजकीय सम्मान नदिनु भन्ने उनको इच्छाअनुसार नै सामान्य ढंगबाटै अन्त्येष्टी गरिएको पारिवारिक सदस्यहरुले बताएका छन् ।</p>