ट्रम्पद्वारा अमेरिकामा संकटकाल घोषणा

<p><span style="line-height: 1.42857;">एजेन्सी ।</span><br></p><p>अमेरिकी राष्ट्रपति डोनल्ड ट्रम्पले अमेरिकाभर संकटकाल घोषणा गरेका छन् । तर यस्तो संकटकाल भने जनस्वास्थ्यको क्षेत्रमा घोषणा गरिएको हो ।</p><p><br></p><p>अमेरिकीहरुले दुखाइ कम गर्ने र अन्य नसालु औषधीहरु प्रयोग गर्ने लतलाई राष्ट्रिय लज्जाको संज्ञा दिंदै ट्रम्पले यस्ता औषधीको दुरुपयोगलाई रोक्न संकटकाल घोषणा गरेका हुन् ।</p><p><br></p><p>यस्ता औषधीको प्रयोगका कारण प्रत्येक दिन १ सय ४० भन्दा बढी अमेरिकीहरुको ज्यान जाने गरेको बिबिसिले उल्लेख गरेको छ ।</p><p><br></p><p>राष्ट्रपति ट्रम्पले यसअघि नै जनस्वास्थ्यसम्बन्धी राष्ट्रिय संकटकाल घोषणा गर्ने बाचा गरेका थिए ।</p><p><br></p><p>बिहीबार ह्वाइट हाउसमा बोल्दै ट्रम्पले अहिलेको समयमा अमेरिकीहरुको कार दुर्घटना र बन्दुकका कारण हुने मृत्युको संख्या भन्दा दुखाई कम गर्ने र अन्य नसालु पदार्थको प्रयोगका कारण बढी मृत्यु हुने गरेको बताए ।</p><p>उनले भनेका छन्, अमेरिकी समाजको कुनै पनि त्यस्तो भाग बाँकी छैन, जहाँ नसालुऔषधीको प्रयोगले नसताएको होस्।</p><p><br></p><p>उनले भने, 'हामीले अरबौं अरब डलर खर्च गरेका छौं र अब धेरै पैसा हामी नसा नलगाउने खालको दुखाई कम गर्ने औषधी ल्याउनमा खर्च गर्नेछौं ।'</p><p>उनले यस्ता दुखाई कम गर्ने औषधीहरुको खपत विश्वका अन्य मुलुकका नागरिकले भन्दा अमेरिकीहरुले अत्यधिक गर्ने बताए।</p><p>अहिलेको घोषणाले जनस्वास्थ्यसम्बन्धी देखिएको संकटसँग जुध्नका लागि अनुदान रकम प्रयोग गर्न निर्देशित गर्छ।</p><p><br></p><p>संकटकालपछि कामचलाउ स्वास्थ्य मन्त्रीलाई निर्देशन दिनुका साथै स्वास्थ्यसम्बन्धी संघीय संस्थाहरुलाई पनि दुखाई कम गर्ने र अन्य नसालु औषधीहरुको प्रयोगबाट हुने मृत्यु कम गर्नका लागि आवश्यक उपायहरु अपनाउन निर्देशन दिन भनेका छन् ।</p><p><br></p><p>आलोचकहरुले भने ट्रम्पको घोषणा अनुसार थप आर्थिक कोषहरु अहिलेकै अवस्थामा प्रयोग गर्दा समस्या समाधान नहुने टिप्पणी गरेका छन् ।</p>