डोटी बस दुर्घटनामा तीन जनाको निधन, दुईको सनाखत

<p><span style="line-height: 1.42857;">डोटी ।</span><br></p><p>डोटीको बडीकेदार गाउँपालिका २ खडेउलीमा भएको बस दुर्घटनामा परि तीन जनाको मृत्यु भएको छ ।</p><p>दुई जनाको ज्यान जाने गरी भएको सडक दुर्घटनाको तेश्रो दिन बिहीवार बिहान डोटीमा अर्को दुर्घटना भएको हो ।</p><p><br></p><p>अत्तरकाँडाबाट कैलालीको धनगढीका लागि छुटेको ना ३ ख ५६४८ नं को सुदूरपश्चिम यातायातको बस दुर्घटना हुँदा बडीकेदार गाउँपालिका ४ मान्नाकापडीका अन्दाजी ४५ बर्षीय जगदीश चन्द र सोही गाउँका ३५ बर्षीय निर्मला पुन मगरको घटनास्थलमै मृत्यु भएको हो ।</p><p><br></p><p>अर्का मृतक सोही गाउँका तीन बर्षीया बालिका रहेको तर उनको सनाखत नभएको स्थानीयवासीले जानकारी दिएका छन् ।</p><p><br></p><p>दुर्घटनामा १२ जना घाईते भएका छन् । घाईतेहरुलाई कर्णाली रिभरसाईडको बसबाट उपचारका लागि धनगढीतर्फ लगिएको स्थानीयहरुले जानकारी दिए ।</p><p><br></p><p>१५ जना यात्रु बोकेर हिडेको उक्त बस सडकबाट करीव एक सय मिटर तल खोलामा खसेको छ ।</p>