दुर्गा भवानीको पूजा अर्चना गरेर महानवमी पर्व मनाईंदै, भोली दशैं टिका

<p><span style="line-height: 1.42857;">काठमाडौं ।</span><br></p><p>नेपालीहरुको ठूलो चाड बडा दशैंको टिकाको अघिल्लो दिन आज महानवमी पर्व हर्षोल्लासका साथ दुर्गा भवानीको पूजा आजा गरी मनाइँदैछ ।&nbsp;</p><p><br></p><p>आश्विन शुक्ल महानवमीका दिनमा गरिने दुर्गा पूजा लगायतका कार्य गरी घटस्थापनाका दिनमा राखिएको जमरा बिभिन्न शक्तिपीठमा लगी चढाइन्छ ।</p><p><br></p><p>दसैंघर र कोत लगायत राज्यका विभिन्न देवी मन्दिर र शक्तिपीठमा बोका, हाँस, कुखुरा र राँगाको बलिसहित दुर्गा भवानीको विशेष पूजा आराधना र दुर्गा सप्तशती एवम् देवी स्तोत्र पाठ गरिन्छ ।&nbsp;</p><p><br></p><p>पशुबलि नदिनेहरूले भने आज कुभिण्डो, घिरौंला, मूला, काँक्रो र जटा नरिवल समेत बलि चढाउने गर्दछन् । अधिकांश स्थानमा महाअष्टमीको दिनमा बलि दिने र महानवमीका दिनमा मार हान्ने चलन छ ।&nbsp;</p><p><br></p><p>मार्कण्डेय पुराणमा उल्लेख भए अनुसार महानवमी तिथिकै दिन चामुण्डा देवीले रक्तवीज राक्षसलाई वध गरेकाले महानवमी पर्वलाई विशेष महत्वका साथ लिइन्छ । कतिपय शक्तिपीठमा भने आज हाँस, कुखुरा, बोका, भेडा र राँगाको पञ्चबलि दिने गरिन्छ ।&nbsp;</p><p><br></p><p>महानवमीका अवसरमा कोतहरूमा हर्षबढाइँका साथ कोतपूजा र निशानापूजा पनि गरिन्छ । यस अवसरमा हनुमानढोका दरबारका साथै नेपाली सेनाका ब्यारेक र गुल्महरूमा बाजागाजा सहित जङ्गी निशाना पूजा र कोतपूजा गर्ने प्रचलन छ । आज बिहान हनुमानढोकामा राज्यका तर्फबाट ५४ बोका र ५४ राँगाको बलि दिइन्छ ।&nbsp;</p><p><br></p><p>हनुमानढोका दरबारमा रहेको वर्षमा एकपटक महानवमीका दिन मात्र खुल्ने तलेजु भवानीको मन्दिर पनि आजैको दिन खुल्ने गर्दछ । वर्षमा एक दिन मात्र खुल्ने भएकाले आज यहाँ दर्शनार्थी एवम् पूजा गर्ने भक्तजनको भीड लाग्छ ।&nbsp;</p><p><br></p><p>महानवमीका अवसरमा आज नेवारी समुदायले भने भीमसेनलाई बलि सहित पूजा गर्ने गर्छन् ।</p><p><br></p><p>बडा दशैं अन्र्तगत भोली दशैंको मूख्य दिन टिका लगाउने गरिन्छ । घटस्थापनामा राखिएको जमरा सहितको टिका लगाएसँगै महत्वपूर्ण चाड दशैं सकिन्छ । यद्यपी धेरै जसो ठाउँमा पूर्णीमाको दिनसम्म पनि दशैं टिका लगाउने गरिन्छ । पूर्णीमाको दिनसम्म टिका जमरा लगाएर पूर्णीमाकै दिनमा दशैं टिका, घटस्थापनामा राखिएको जमरा विसर्जन गर्ने गरिन्छ ।</p>