असोज २ स्थानिय चुनावको तयारी सकियो, मतदाता परिचयपत्र भदौ ३० बाट बाँडिने

<p><span style="line-height: 1.42857;">काठमाडौं ।</span><br></p><p>प्रमुख निर्वाचन आयुक्त डा. अयोधी प्रसाद यादवले असोज २ गते हुने स्थानीय तह निर्वाचनको सम्पूर्ण तयारी पुरा भएको बताउनुभएको छ ।&nbsp;</p><p><br></p><p>काठमाडौंमा साक्षात्कार कार्यक्रममा प्रमुख निर्वाचन आयुक्त डा. यादवले २ नम्बर प्रदेशका जनताहरु उत्साहपूर्वक निर्वाचनमा सहभागी हुनेमा निर्वाचन आयोग विश्वस्त रहेको बताउनुभयो ।&nbsp;</p><p><br></p><p>उहाँले आयोगको सक्रियताका कारण निर्वाचन आचार संहिताको उल्लंघनमा कमी आएको बताउनुभयो ।&nbsp;</p><p><br></p><p>प्रमुख निर्वाचन आयुक्त डा. यादवले मतदाता परिचय पत्रको दुरुपयोग नहोस् भन्नेमा निर्वाचन आयोग पूणत सचेत रहेको बताउनुभयो ।&nbsp;</p><p><br></p><p><b>प्रमुख निर्वाचन आयुक्तबाट आचार संहिता पालनामा जोड</b></p><p><br></p><p>आजै निर्वाचन पर्यवेक्षकसँग भएको छलफलमा प्रमुख निर्वाचन आयुक्त डा. अयोधीप्रसाद यादवले निर्वाचन आचार संहिता उल्लङ्घनका घटनाहरु नियन्त्रण गर्न निर्वाचन आयोगले सम्पूर्ण संयन्त्र परिचालन गरेको बताउनुभयो ।&nbsp;</p><p><br></p><p>प्रमुख निर्वाचन आयुक्त डा. यादवले राजनीतिक दल र उम्मेदवारलाई दिनहुँजसो चेतावनी दिएपनि आचार संहिताको पालनाका विषयमा प्रश्न उठिरहेको बताउनुभयो ।</p><p><br></p><p><b>मतदाता परिचयपत्र भदौ ३० बाट दिइने</b></p><p><br></p><p>निर्वाचन आयोगले तेश्रो चरणमा हुने स्थानीय तहको निर्वाचनका लागि यही भदौ ३० देखि आगामी असोज १ गतेसम्म मतदाता परिचय वितरण गर्ने भएको छ ।</p><p>&nbsp;&nbsp;</p><p>प्रदेश नं २ का आठ जिल्लाका १३६ स्थानीय तहका विभिन्न पदमा यही असोज २ गते सोमबार बिहान ७ देखि अपराह्न ५ बजेसम्म मतदान हुँदैछ । स्थानीय तहको तेश्रो चरणको निर्वाचनमा २६ लाख ६४ हजार ७ सय ९२ मतदाता छन् ।&nbsp;</p><p><br></p><p>आयोगले सदर मत प्रतिशत बढाउन तथा बदर मत संख्या घटाउन मतदातालाई सही रूपमा मत संकेत कसरी गर्ने भन्ने विषयमा जानकारी दिने व्यवस्था पनि मिलाएको आयोगका प्रवक्ता नवराज ढकालले जानकारी दिनुभयो ।&nbsp;</p><p><br></p><p>निर्वाचन शिक्षालाई व्यापक तुल्याउन २ नं प्रदेशमा निर्वाचन शिक्षाका लागि ३ हजार ५ सयभन्दा बढी मतदाता शिक्षा कार्यकर्ता र स्वयंसेविका परिचालन गरिएको छ ।&nbsp;</p><p><br></p><p>स्थानीय सञ्चार माध्यमबाट स्थानीय भाषामा मतदाता शिक्षा प्रदान गर्ने काम भइरहेको आयोगले जनाएको छ ।&nbsp;</p><p><br></p><p>आयोगले असोज २ गते हुने निर्वाचनलाई दृष्टिगत गरी १ हजारभन्दा बढी स्थानमा नमुना मतदानको कार्यक्रम सञ्चालन गरिरहेको जनाएको छ ।&nbsp;</p><p><br></p><p><b>आचार संहिता पूर्ण पालना गर्न–गराउन आयोगको आग्रह</b></p><p>निर्वाचन आयोगले निर्वाचन आचार संहिता विपरीतका क्रियाकलापहरु तत्काल रोकी निर्वाचन आचार संहिता पूर्ण रुपमा पालना गर्न–गराउन प्रमुख राजनीतिक दलहरुलाई आग्रह गरेको छ ।</p><p><br></p><p>आयोगले आज नेपाली काँग्रेस, नेकपा एमाले, नेकपा माओवादी केन्द्र, राष्ट्रिय प्रजातन्त्र पार्टी, संघीय समाजवादी फोरम नेपाल, नेपाल लोकतान्त्रिक फोरम र राष्ट्रिय जनता पार्टी नेपाललाई छुट्टाछुट्टै पत्र पठाई आचार संहिताको पूर्ण &nbsp;पालना गर्न–गराउन आग्रह गरेको आयोगका सहसचिव एवं प्रवक्ता नवराज ढकालले जानकारी दिनुभयो ।</p>