नेपाल आफ्नै घरमा ताजिकिस्तानसँग पराजित,अबको यात्रा कठिन

<p>काठमाडौं,भदौं २० –एएफसी एसियन कपको छनौट चरण अन्तर्गत तेस्रो खेलमा ताजिकिस्तानसँग घरेलु मैदानमै पराजित भएको छ । सातदोवाटोस्थित एन्फा मैदानमा सम्पन्न खेलमा नेपाल ताजिकिस्तानसँग २-१ ले पाराजित भएको हो । खेलमा ताजिकिस्तानले पहिलो हाफमै २ गोल गरेको थियो ।<br></p><p>दोस्रो हाफमा नेपालका विमल घर्ती मगरले एक गोल फर्काए पनि थप गोल गर्ने नेपालका थुप्रै प्रयास विफल भए । अञ्जन विष्टको पासमा बिमलले गोल गरेका थिए । बिमल नवयुग श्रेष्ठलाई प्रतिस्थापन गर्दै ३९ औं मिनेटमा मैदान प्रवेश गरेका थिए । दोस्रो हाफमा मैदान छिरेका जर्ज प्रिन्स कार्कीले पनि चमत्कार देखाउन सकेनन् ।<br></p><p>एसियन कप छनौटको यसअघिका दुई खेलमा नेपाल जितबिहीन छ । पहिलो खेलमा फिलिपिन्ससँग मनिलामा पराजय ब्यहोरेको नेपालले काठमाडौंमै भएको दोस्रो खेलमा ओमानसँग गोलरहित बराबरी खेलेको थियो ।<br></p><p>फिफा बरियतामा ताजकिस्तान १ सय ५१ औं स्थानमा छ भने नेपाल १ सय ६९ औं स्थानमा छ । छनौट चरणको समूह ‘ई’ मा रहेको नेपालले अहिलेसम्म दुई खेलबाट एक अंक मात्र जोडेको हो । नेपालसँग जितसँगै ताजकिस्तानले तीन अंक जोडेको छ । नेपालले अहिलेसम्म एक अंक मात्र जोडेको छ । ताजकिस्तानले यसअघिका दुई खेल हारेको थियो । यो समूहबाट फिलिपिन्सले ६ तथा यमनले ४ अंक जोडेका छन् ।<br></p>