काँग्रेसले संसद अवरोध गर्न छाड्यो, के के भयो सोमबारको संसद बैठकमा

<p>१९ जेठ, काठमाडौं ।<br>व्यवस्थापिका संसदको बैठकमा आगामी आर्थिक बर्ष २०७३।७४को आय व्ययको विवरण वजेटमाथि सामान्य छलफल शुरु भएको छ ।<br><br>बैठकमा अर्थमन्त्री विष्णुप्रसाद पौडेलले आर्थिक वर्ष २०७३÷७४ को राजश्व र व्ययको वार्षिक अनुमानमाथि सामान्य छलफल गरियोस भनि प्रस्ताव प्रस्तुत गर्नुभएको थियो ।<br><br>छलफलमा भागलिदै पूर्वअर्थमन्त्री एवं एमाले सांसद भरतमोहन अधिकारीले संविधानको कार्यान्वयन, भूकम्प पछिको पुनर्निर्माण, उर्जा, कृषिलगायतका क्षेत्रलाई प्राथमिकतामा राखेर ल्यएको बजेट अत्यन्त सन्तुलित रहेको बताउनुभयो ।<br><br>सांसद अधिकारीले बजेटको प्रभावकारी कार्यान्वयन, लगानीको वातावरण निर्माण, रोजगारी एवं उत्पादकत्व बृद्धिमा सरकार गम्भिर हुनु पर्नेमा जोड दिनुभयो । <br><br>पूर्व अर्थमन्त्री एवं काँग्रेस सांसद डा। रामशरण महतले सरकारले राष्ट्रिय योजना आयोगले दिएको सिलिङ्ग भन्दा पनि ठूलो आकारको बजेट निर्माण गरेर अर्थशास्त्र र वित्तीय सिद्धान्तलाई उल्लंघन गरेको बताउनुभयो । <br><br>सांसद डा. महतले कुल गार्हस्थ उत्पादन भन्दा झण्डै आधा बढी करिव साँढे १० खर्वको बजेटमा राम्रा कार्यक्रम हरु समेटिए पनि कार्यान्वयनमा धेरै चुनौति रहेको बताउनुभयो ।<br><br>नेकपा माओवादी केन्द्रका धनीराम पौडेलले नयाँ संविधान जारी भएपछि आएको पहिलो बजेटले संविधान कार्यान्वयन गर्न कोसेढुङ्गाका रुपमा काम गर्ने विश्वास व्यक्त गर्नुभयो । <br><br>राष्ट्रिय प्रजातन्त्र पार्टी नेपालका दिलनाथ गिरीले विभिन्न कालखण्डमा योगदान दिएका नेताका नामका छुट्याइएको रकम अन्तर्गत चन्द्रबहादुर गुरुङ, सूर्यबहादुर थापा, पद्मसुन्दर लावती र मरिचमानसिंह श्रेष्ठको नाम नआउनु दुःखद भएको बताउनुभयो । <br>&nbsp;<br>मधेसी जनअधिकार फोरम नेपाल 'लोकतान्त्रिक'का जितेन्द्रनारायण देवले बजेट चुनावी घोषणापत्रका रुपमा आएको टिप्पणी गर्दै आर्थिक सर्भेक्षण र बजेटका बीचमा सन्तुलन नभएको धारणा राख्नुभयो । <br>……………<br>प्रतिपक्षी दल नेपाली काँग्रेसले बजेट सदनमा प्रस्तुत गर्नु पूर्व नै बजेटका केही अंश चुुहाइएको विषयमा छानबिन गर्न गरेको मागमा संसदीय छानविन समिति गठन गर्न सत्ता साझेदार दलहरू सहमत भएका छन् । <br><br>नयाँ बानेश्वरस्थित व्यवस्थापिका–संसद भवनमा आज भएको सत्ता साझेदार दल र प्रमुख प्रतिपक्षी दलका शीर्ष नेताबीच भएको छलफलमा समिति गठन गर्न सहमति भएको हो । यस विषयलाई लिएर हिजो कांग्रेसले चारपटक सदन अवरोध गरेको थियो । <br><br>व्यवस्थापिका–संसद्को आजको बैठकले नेकपा 'एमाले'का प्रमुख सचेतक भानुभक्त ढकालले व्यवस्थापिका संसदको कार्यसञ्चालन नियमावली, २०७० को नियम ११६ अनुसार संसदीय छानबिन विशेष समिति गठन गरियोस् भन्ने प्रस्तावलाई सर्वसम्मतिले स्वीकृति गरेको हो । <br><br>प्रस्तावलाई नेपाली कांग्रेसका प्रमुख सचेतक चीनकाजी श्रेष्ठ र नेकपा माओवादी केन्द्रका प्रमुख सचेतक हितराज पाण्डेले समर्थन गर्नुभएको थियो । समितिको संयोजकमा कांग्रेसका रमेश लेखक रहनुभएको छ । समितिमा आठजना सदस्य रहनुभएको छ । समितिको कार्यावधि तीन महिना पन्ध्र दिन तोकिएको छ । <br>……………<br>गृहमन्त्री शक्तिबहादुर बस्नेतले पर्साका उद्योगी सुरेश केडियाको अपहरणका विषयमा संसदलाई जानकारी गराउनु भएको छ ।<br><br>यही जेठ १३ गते साँझ ६ बजे बीरगञ्जबाट बारा आउने क्रममा वाराको बरियारपुमा अपहरणकारीहरुले केडियाको सवारी चालकलाई गोली प्रहार गरी&nbsp; केडियालाई अपहरण गरेर&nbsp; भारत लगेको जानकारी दिनुभयो ।<br><br>नेपाल प्रहरी र भारतीय प्रहरीको सहयोगमा केडियालाई सकुशल मुक्त गरिएको र अपहरणको आशंकामा ३ नेपाली र १ भारतीयलाई पक्राउ गरिएको जानकारी दिनुभयो ।<br>गृहमन्त्री बस्नेतले गत मंसिर १ गतेदेखि हालसम्म आगलागिका घटनामा परी मुलुकका विभिन्न भागमा गरी ७६ जनाको मृत्यु भएका,े १ सय १५ जना घाइता भएका, ३ हजार ३४ घर पूर्णरुपमा क्षति भएको र २ हजार ६ सय भन्दा बढि प्रभावित भएको जानकारी दिनुभयो ।<br><br></p>