22.85¡ÆC
<p>काठमाडौं,साउन १८ । पूर्वराजा ज्ञानेन्द्र शाह आज बुधबार थाइल्यान्ड जाने भएका छन् । मुटुमा समस्या देखिएपछि थापाथलीस्थित नर्भिक अस्पतालमा ३ दिन उपचार गराएर डिस्चार्ज भएका उनी परिवारसहित थाइल्यान्ड जान लागेका हुन् । यही साउन ४ गते उनी मुटुको उपचार गराउन नर्भिक अस्पताल पुगेका थिए । </p><p>उनी थाई एयरवेजको विमानबाट दिउँसो साढे १ बजे थाइल्यान्ड जान लागेका हुन् । उनको साथमा पूर्वरानी कोमल र निजी सचिव सागर तिमिल्सिना तथा केही सहयोगीहरुसँगै जाने भएका छन् । उनी नातिनातिनालाई घुमाउन थाइल्यान्ड जान लागेका हुन् । पूर्वयुवराज्ञी हिमानी समेत उतै छिन् । सबै जना थाइल्यान्ड लागेपछि पारस निर्मल निवासमा एक्लै हुने भएका छन् । नेपाल समाचारपत्रमा खबर छ ।</p><div><br></div>
