सशस्त्रद्धारा घरको छतबाट खसेकी बालिकालाई जमिनमा पर्नु अगाडिनै उद्धार

<p><span style="line-height: 1.42857;">बाँके ।</span><br></p><p>नेपालगञ्जमा सशस्त्र प्रहरीले घरको छतबाट खसेकी बालिकालाई जमिनमा पर्नु अगाडीनै समातेर सकुशल उद्धार गरेको छ ।</p><p><br></p><p>बाँके जिल्लाको नेपालगञ्ज उपमहानगरपालिका १२ स्थित विपिचोकमा जेठ ३० गते बेलुका एक घरको छतबाट खस्दै गरेकी एक बालिकालाई जमिनमा पर्नु अगाडिनै सशस्त्र प्रहरीले समाती सकुशल उद्धार गरेको हो ।</p><p><br></p><p>स्थानीय नफिज करिवालको तीन वर्षिय छोरी जयनत करिवाललाई बेलुका करीव सवा चारबजे दुई तले घरको छतबाट खस्दै गरेको अवस्थामा देखेर त्यही ठाँउमा ड्युटीमा रहेका सशस्त्र प्रहरीले उद्धार गरेको हो ।</p><p><br></p><p>बच्चा छतबाट खस्दै गरेको देखेका सशस्त्र प्रहरी नायव निरीक्षक भीमबहादुर कठायतले ती बालिकालाई जमिनमा पर्नुभन्दा पहिल्यै समातेर उद्धार गरेका थिए ।</p><p><br></p><p>सो ठाउँमा सशस्त्र प्रहरी बल, नेपाल सीमा सुरक्षा कार्यालय बाँकेबाट निज सशस्त्र प्रहरी नायव निरीक्षक &nbsp;कठायतसहितको एपीएफ टोली ड्युटीमा खटिएको थियो ।&nbsp;</p><p><br></p><p>त्यसठाँउमा एपीएफ टोली रहेकै छेउको घरको छतबाट ती बालिका खसेकी थिइन ।&nbsp;</p>