‘अब कुनै हालतमा चुनाव सर्दैन’-ओली

<p><span style="line-height: 1.42857;">नेपालगञ्ज ।</span><br></p><p>नेकपा एमालेका अध्यक्ष केपी शर्मा ओलीले अब कुनै हालतमा चुनाव सार्न नसकिने बताउनुभएको छ ।</p><p>बाँकेको कोहलपुरमा आज आयोजित चुनावी सभालाई सम्बोधन गर्दै अध्यक्ष ओलीले सबैलाई चुनावमा सहभागी गराउन पटक पटक मिति सारिएकोमा अब भने निर्वाचन सार्ने कुरा एमालेलाई मान्य नहुने बताउनुभयो ।</p><p>असार १४ को निर्वाचन अब नसर्ने उहाँले स्पष्ट पार्नुभयो । स्थानीय तहको संख्या बढाउन पनि एमाले तयार नहुने उहाँले बताउनुभयो ।</p><p>दोस्रो चरणको चुनावमा पनि एमाले पहिलो दल हुने दाबी गर्दै उहाँले असार १४ पछि सबैले एमालेको वास्तविक तागत देख्ने बताउनुभयो ।</p><p>उहाँले स्थानीय तहको चुनावमा एमालेले सबै क्षेत्रमा जनजाति, थारु, मुस्लिम, दलित र महिलालाई समाबेशीकरण &nbsp;र समान सहभागिता गराएको दाबी गर्नुभयो ।</p>