विष्फोटक पदार्थसहित विप्लवका कार्यकर्ता पक्राउ : स्थानीय निर्वाचनमा सुरक्षा चुनौती

रौतहट । रौतहटको चन्द्रपुरबाट प्रहरीले विष्फोटक पदार्थसहित विप्लव नेतृत्वको नेपाल कम्यूनिस्ट पार्टीका २ जना कार्यकर्तालाई पक्राउ गरेको छ । चन्द्रनिगाहपुरमा रहेको होटेल सुदर्शनको कोठा नं. १०५ बाट ३० थान जिलेटिन, २२ थान डेटोनेटर, ४ थान ˆयूजसहित उनीहरुलाई पक्राउ गरिएको प्रहरीले जनाएको छ ।पक्राउ पर्नेहरु झापा आँपगाछिका दिलिप थापा र तारा थापा रहेको प्रहरी उपरीक्षक यत्र विनोद पोखरेलले जानकारी दिए । बुधवार राति हेटौडा बाट चन्द्रनिगाहपुर आएका दुवै जना चन्द्रनिगाहपुरको होटेलमा बास बसेका थिए ।गोप्य सूचनाका आधारमा प्रहरीले दुवैजनालाई गए राति नै पक्राउ गरेको उपरीक्षक पोखरेलले बताए । उनीहरुको साथबाट ४ थान मोबाइल फोन र ग ३ प ३९११ नम्बरको मोटरसाइकल समेत बरामद गगरिएको प्रहरीले जानकारी दिएको छ ।चन्द्रनिगाहपुरमा विप्लबको गतिविधि बढयो  रौतहटको उतरी क्षेत्र चन्द्रनिगाहपुर तथा चुरे फेदीका बस्तीहरुका विप्लबका कार्यकर्ताहरुको गतिविधि बढेको छ । शनिवार मात्रै विप्लबका कार्यकर्ताले चन्ऽपुर-३ गैंडाटारमा पुल बनाउन प्रयोग भइरहेको स्काभेटरमा आगजनी गरेका थिए ।पुलको ठेकेदार सँग चन्दा माग्दा नदिए पछि ५/६ जनाको नकाबधारी समूहले चन्द्रपुर र गैडाटार जोडने चादी खोलामा निर्माणाधिन पुलको प्रयोजनका लागि ल्याइएको स्काभेटरमा आगजनी गरेर क्षति पुर्‍याएका थिए ।बिप्लव कार्यकर्ताहरुले बन्द गरेका बेला पनि उतरी क्षेत्रको राजमार्गमा ट्रक आगजनीका घटना भएका थिए ।स्थानीय निर्वाचनमा सुरक्षा चुनौतीदोस्रोे चरणको स्थानीय चुनावको मुखमा आएर ठूलो मात्रामा विष्फोटक पदार्थ बरामद भएपछि रौतहट प्रहरीले सुरक्षा चुनौती थपिएको बताएको छ ।‘स्थानीय चुनावलाई नै लक्षित गरेर विष्फोटक सामग्रीहरु ल्याएको हुनसक्ने प्रारम्भीक अनुमान छ ।’ रौतहटका प्रहरी प्रमुख एसपी यज्ञ विनोद पोखरेलले भने-‘निकट भविष्यमा हुने निर्वाचनमा राजनीतिक रुपमै अवरोध हुने संकेत पनि हो । त्यसैले प्रहरीले सजगता अपनाउनु पर्ने आवश्यकता देखियो ।”जनतामा डरत्राश र भय उत्पन्न गराउन यस्ता विष्फोटक सामग्रीको प्रयोग गर्ने र निर्वाचनमा कम भन्दा कम व्यक्ति मात्रै सहभागी होस भन्ने उदेश्य उनीहरुको हुनसक्ने प्रहरीको अनुसन्धानले देखाएको छ ।केही दिन यताको परिस्थितिले सुरक्षा अवस्थालाई थप बलियो बनाउन र प्रहरी परिचालनलाई बाक्लो बनाउनु पर्ने आवश्यकता रहेको उनको भनाइ छ ।

विष्फोटक पदार्थसहित विप्लवका कार्यकर्ता पक्राउ : स्थानीय निर्वाचनमा सुरक्षा चुनौती

प्रतिक्रिया

सम्बन्धित खवर

ताजा समाचार

पञ्चकन्या गाउँपालिकाले लगाएको चियाको व्यावसायिक उत्पादन सुरु

तारकेश्वरमा सरकारी सेवामा जोडिएका व्यक्तिको सन्तान सामुदायिक विद्यालयमै पढ्नुपर्ने

विद्यार्थी सङ्गठनमाथि प्रतिबन्धको विरोधमा कालो बेलुन उडाएर प्रदर्शन

चौतर्फी आलोचनापछि गृहमन्त्री गुरुङको राजीनामा

बट्टारको हावाघरमा आइतबारे कृषि हाट बजार केन्द्र सञ्चालनमा

सम्पर्क

सूचना विभाग दर्ता नं.

साइट नेभिगेशन

हाम्रो टीम

प्रकाशक/ सम्पादक

नेपाल ब्युरो चीफ़

संवाददाता