ज्वाइँ–ससुरा फरक–फरक पार्टीका तर्फबाट वडाध्यक्षमा भिड्दै

कोहलपुर ।  कोहलपुर नगरपालिका–८ पिपरीका रेशम खत्री र पूर्णप्रसाद आचार्य नाताले ससुरा र ज्वाइँ हुन् । आसन्न स्थानीय तह निर्वाचनमा उनीहरू एउटै वडाबाट फरक–फरक पार्टीका तर्फबाट चुनावी स्पर्धामा उत्रिएका छन् । खत्री एमाले र आचार्य कांग्रेसका तर्फबाट वडाध्यक्ष पदमा चुनावी मैदानमा छन् । ससुरा र ज्वाइँ एउटै वडाबाट निर्वाचनमा होमिएपछि मतदाताहरूमा व्यापक चर्चा छ । खत्री एमालेका पुराना नेता र आचार्य नेपाल विद्यार्थी संघ, बाँकेका जिल्ला अध्यक्ष हुन् । यसअघि उनी केन्द्रीय महाधिवेशन प्रतिनिधि भइसकेका छन् ।  स्थानीय तहको निर्वाच मिति नजिकिँदै गर्दा उनीहरू प्रचारमा व्यस्त छन् । घरदैलो र भेला गरी आफ्नो पक्षमा मतदाता आकर्षित गर्न तल्लीन छन् । प्रचारकै दौरानमा थुप्रैपटक जम्काभेटसमेत हुन्छ । भेट हुँदा ढोगभेट हुन्छ । ‘ससुरासँग भेट हुँदा नमस्कार गर्छु । हालखबर सोध्छु । उहाँले पनि त्यसै गर्नुहुन्छ,’ कांग्रेसका तर्फबाट वडाध्यक्षका उम्मेदवार आचार्य भन्छन्, ‘बिचारले राजनीतिमा लागिन्छ । परिवारिक सम्बन्ध छुट्टै हो । राजनीति गर्नु फरक हो ।’ ससुरा र ज्वाइँ एउटै पदमा उम्मेदवार भएपछि परिवारका सदस्य दुविधामा छन् । आचार्य पत्नी सीतालाई बढी दुविधा छ ।

ज्वाइँ–ससुरा फरक–फरक पार्टीका तर्फबाट वडाध्यक्षमा भिड्दै

प्रतिक्रिया

सम्बन्धित खवर

ताजा समाचार

तारकेश्वरमा सरकारी सेवामा जोडिएका व्यक्तिको सन्तान सामुदायिक विद्यालयमै पढ्नुपर्ने

विद्यार्थी सङ्गठनमाथि प्रतिबन्धको विरोधमा कालो बेलुन उडाएर प्रदर्शन

चौतर्फी आलोचनापछि गृहमन्त्री गुरुङको राजीनामा

बट्टारको हावाघरमा आइतबारे कृषि हाट बजार केन्द्र सञ्चालनमा

नेपालद्वारा युएई ८ विकेटले पराजित

सम्पर्क

सूचना विभाग दर्ता नं.

साइट नेभिगेशन

हाम्रो टीम

प्रकाशक/ सम्पादक

नेपाल ब्युरो चीफ़

संवाददाता