मतदानमा सहभागी भएर सम्पन्न गराएकोमा आयोगको मतदातालाई धन्यवाद

<p><span style="line-height: 1.42857;">काठमाडौं ।</span></p><p>निर्वाचन आयोगले स्थानिय तह निर्वाचनमा सहभागी भएर सफल बनाएकोमा मतदाताहरुलाई धन्यवाद दिएको छ ।</p><p><br></p><p>निर्वाचन आयोगका प्रमूख निर्वाचन आयुक्त अयोधिप्रसाद यादवले निर्वाचन सम्पन्न भए लगत्तै निर्वाचन आयोागको प्रेस सेन्टरमा पत्रकार सम्मेलन गर्दै छिटफुट बाहेक निर्वाचन शान्तिपूर्ण भएको भन्दै सबैमा धन्यवाद दिएका हुन् ।</p><p><br></p><p><b>यस्तो छ आयुक्त यादवले दिएको मन्तव्य</b></p><p>आदरणीय मतदाता बुवा, आमा, दिदी बहिनी तथा दाजुभाइहरू,&nbsp;</p><p>१.<span class="Apple-tab-span" style="white-space:pre"> </span>स्थानीय तहको पहिलो चरणअन्तर्गत आज वैशाख ३१ गते आइतबार तीन प्रदेशका ३४ जिल्लाका २८१ स्थानीय तहका लागि भएको मतदान कार्य छिटफुट घटनाबाहेक शान्तिपूर्ण, उत्साहजनक र मतदाताको व्यापक सहभागितामा सम्पन्न भएको छ । मतदाता महानुभावहरूले लोकतान्त्रिक अभ्यासमा देखाउनु भएको यस व्यापक सहभागिताप्रति आयोग हार्दिक धन्यवाद ज्ञापन गर्दछ ।&nbsp;</p><p>२.<span class="Apple-tab-span" style="white-space:pre"> </span>२८३ स्थानीय तहका लागि भएको मतदान कार्य अन्तर्गत आज २८१ स्थानमा मात्रै मतदान भएको थियो । मनाङ जिल्लाको नारपूm गाउँपालिका र डोल्पा जिल्लाको शेफोक्सुण्डो गाउँपालिकामा यसअघि नै निर्विरोध निर्वाचन भइसकेको जानकारी गराउँदछु । आज सम्पन्न मतदान कार्यमा ३४ जिल्लाबाट प्राप्त प्रारम्भिक विवरण अनुसार कम्तीमा ७१ प्रतिशत मतदान भएको छ । काठमाडौं उपत्यकासहित ३४ वटै जिल्लाका शहरदेखि गाउँ बस्तीमा रहेका मतदान केन्द्रहरूमा मतदाताहरू बिहान ७ बज्नुअघिदेखि नै मतदान केन्द्रअघि पङ्क्तिबद्ध भएर बस्नु भएको थियो । मतदानमा युवा पुस्तादेखि जेष्ठ नागरिक, अपाङ्गता भएका व्यक्ति, किरियापुत्री, दृष्टिविहीनसम्मले निकै उत्सुकतापूर्वक सहभागिता जनाउनुभएको थियो । यस सहभागिताले जेठ ३१ गते हुने दोस्रो चरणको निर्वाचनमा सहभागी हुनुहुने मतदातालाई पनि उत्साहित बनाउने छ भन्ने विश्वास आयोगले लिएको छ ।</p><p>३.<span class="Apple-tab-span" style="white-space:pre"> </span>मतदान कार्य सम्पन्न भएपछि सबैै मतपेटिका सम्बन्धित मुख्य निर्वाचन अधिकृत र निर्वाचन अधिकृतको कार्यालयमा ल्याउने कार्य भइरहेको छ । हिमाली तथा पहाडी जिल्लाका विकट मतदान केन्द्रबाट मतपेटिका सङ्कलन गर्नका लागि आयोगले हेलिकप्टरको व्यवस्था गरेको जानकारी सम्बद्ध सबैलाई गराउन चाहन्छु । मतदान कार्य सम्पन्न भएका स्थानीय तहका मतपेटिकाहरू सम्बन्धित स्थानीय निकायको मुख्य निर्वाचन अधिकृत र निर्वाचन अधिकृतको कार्यालयमा प्राप्त भएपछि मतगणना प्रक्रिया अगाडि बढाइने छ । मतपेटिका प्राप्त भएपछि मुख्य निर्वाचन अधिकृत र निर्वाचन अधिकृतहरुले मतगणना गर्ने विषयमा राजनीतिक दलहरुसँग समन्वय गरी मतगणनाको मिति र समय तोक्नु हुने छ । आफ्नो तयारी पूरा भएपछि उहाँहरुले आजै राति वा भोलिबिहानबाट मतगणना सुरु गर्नु हुने छ र मतपरिणाम सहज तरिकाले सार्वजनिक गर्नुहुने छ ।</p><p>४.<span class="Apple-tab-span" style="white-space:pre"> </span>गाउँपालिकाका अध्यक्ष तथा उपाध्यक्ष, नगरपालिकाका प्रमुख तथा उपप्रमुख, वडा अध्यक्ष, &nbsp;वडा सदस्य, महिला वडा सदस्य र दलित वडा सदस्य पदका लागि भएको निर्वाचनमा विशेष गरी महिला, दलित, अल्पसंख्यक समुदायको सहभागिता निकै उत्साहप्रद रहेकोमा आयोग हर्षित छ । आयोगको आफ्नो तयारी र निर्वाचन व्यवस्थापनको कमी कमजोरीले कुनै मतदान केन्द्रमा गम्भीर समस्या उत्पन्न भएन र सहज ढंगले मतदान कार्य अगाडि बढाउन आयोग सफल भएको छ । मतदान कार्यमा अत्यन्तै कठिन परिश्रम गरी अहोरात्र खटेर मतदान कार्य सफल बनाउन जुट्नुभएका मुख्य निर्वाचन अधिकृत, निर्वाचन अधिकृत, मतदान अधिृकत र अन्य कर्मचारी तथा सुरक्षाकर्मीलगायत सवै धन्यवादका पात्र हुनुहुन्छ ।&nbsp;</p><p>आदरणीय महानुभावहरू</p><p>५.<span class="Apple-tab-span" style="white-space:pre"> </span>राजनीतिक दलका प्रतिनिधिहरुको रोहवर वा उपस्थितिमा मतदाताले गोप्य मतदानमार्फत व्यक्त गर्नुभएको जनादेश अब मतपेटिकामा सङ्ग्रहीत भएको छ । निर्वाचन परिणामप्रति विश्वास व्यक्त गर्न, मतदाताको मतादेशलाई पूर्ण सम्मान गर्न समस्त राजनीतिक दल, उम्मेदवारहरुसँग निर्वाचन आयोग हार्दिक अपिल पनि गर्दछ । साथै मतदाताले व्यक्त गरेको मतलाई लिएर उत्तेजनामा नआउन, संयमता प्रदर्शन गर्न र लोकतान्त्रिक पद्धति र प्रक्रियाप्रतिको प्रतिवद्धतालाई पुनः अभिव्यक्त गर्न आयोग सबै सरोकारवालासँग अनुरोध गर्दछ ।&nbsp;</p><p>६.<span class="Apple-tab-span" style="white-space:pre"> </span>आयोगले नचाहँदा नचाहँदै पनि तीनवटा मतदान केन्द्रमा मतदान कार्य स्थगित भएको छ । &nbsp;काभ्रे जिल्लाको नमोबुद्ध नगरपालिका वडा नं. ४ को मतदान केन्द्र र कालिकोटको कालिका गाउँपालिकाको बालाचौर आधारभूत विद्यालयमा रहेको मतदान केन्द्रको मतदान कार्य स्थगित भएको र दोलखा जिल्लाको मेलुङ गाउँपालिकाअन्तर्गत सत्येश्वर माविमा रहेको मतदान केन्द्रमा सुरक्षार्थ सुरक्षाकर्मीको कारबाहीमा एक जनाको निधन भएको घटनाप्रति आयोग दुःख व्यक्त गर्दछ । सो केन्द्रको मतदान कार्य पनि स्थगित भएको छ । ती मतदान केन्द्रहरुमा आयोगले तोकेको मिति र समयमा पुनः मतदान कार्य हुने जानकारी गराउँछु ।</p><p>७.<span class="Apple-tab-span" style="white-space:pre"> </span>मतदाता परिचयपत्रको प्रयोगले निर्वाचनलाई स्वच्छ, निष्पक्ष र विश्वसनीय बनाउन आयोगलाई सहयोग पुगेको छ । मतपत्र ठूलो हुनु, छोटो समयमा तयारी गर्नु मतदाता शिक्षा प्रदान गर्न समय कम हुनु, बेलैमा राजनीतिक सहमति कायम नहुँदा उत्पन्न अन्योलबीच भएको तयारीप्रति आयोग सन्तोष व्यक्त गर्दछ ।&nbsp;</p><p>८.<span class="Apple-tab-span" style="white-space:pre"> </span>मतदान कार्यलाई सफल बनाउन सहयोग पु¥याउने नेपाल सरकार, मित्र राष्ट्र, दातृ निकाय तथा विकास साझेदार संस्था तथा अन्तर्राष्ट्रिय समुदायको सहयोग र सद्भावप्रति आयोग पुनः धन्यवाद दिन चाहन्छ ।&nbsp;</p><p>आदरणीय पत्रकार मित्रहरु</p><p>९.<span class="Apple-tab-span" style="white-space:pre"> </span>आज सम्पन्न भएको मतदान कार्यलाई सफल बनाउन आम सञ्चार जगत्ले खेलेको भूमिकाप्रति आयोग हृदयदेखि नै धन्यवाद दिन चाहन्छ । मतदान कार्य भइरहँदा कतिपय सञ्चार माध्यमले हिंसालाई मात्र प्रोत्साहन पुग्ने गरी समाचार दिने कार्य भएको पनि आयोगलाई जानकारीमा आएको छ । समग्रमा, सञ्चारकर्मी मित्रहरुले देखाउनु भएको जाँगर, उत्साह र लगनशीलताको आयोग प्रशंसा नगरी रहन सक्दैन । विभिन्न ठाउँबाट प्रत्यक्ष प्रशारणमार्फत मतदातालाई सुसूचित पार्ने कार्यमा तपाईहरु दिनभर खट्नु भएको छ । धेरै असुविधा भोगेर पनि तपाईहरुले पु¥याउनु भएको योगदानको आयोग उच्च सम्मान गर्दछ ।&nbsp;</p><p>धन्यवाद</p>