24.12¡ÆC
काठमाडौँ । रसुवामा आएको विनाशकारी बाढीका कारण ज्यान गुमाउनेको सङ्ख्या ५३८ जना पुगेको छ । राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार आज दिउँसोसम्ममा ५३८ जनाको शव फेला परेको हो ।
धेरैजसाे शवहरू चितवन, नवलपरासी पश्चिम र नवलपरासी पूर्वमा नारायणी नदी किनारमा फेला परेका छन् । प्रहरीका अनुसार रसुवामा १२, नुवाकोटमा ३७, धादिङमा ३३, गोरखामा ४६, चितवनमा २२१, तनहुँमा २८, नवलपरासी पूर्वमा १३४ र नवलपरासी पश्चिममा २२१ जनाको शव भेटिएको छ । धेरैजसो शवहरू नदीमा बगेर तल पुगेका हुन् ।
अस्ति बुधवार रसुवामा बाढी आएको भोटेकोशी नदीलाई अलि तल पुगेपछि त्रिशूली भनिन्छ । त्रिशूली नदी रसुवा, धादिङ, गोरखा, चितवन र तनहुँलाई छुँदै देवघाटसम्म पुग्छ । तनहुँ हुँदै आएको कालीगण्डकी नदी मिसिएपछि नारायणी नदी बन्छ । नारायणी नदी चितवन र नवलपरासी हुँदै भारततिर जान्छ ।
