वान बेल्ट वान रोडमा भारतीय बिरोधका बिच नेपालको हस्ताक्षर

<p><span style="line-height: 1.42857;">काठमाडौं ।</span><br></p><p>चीनले अघि सारेको वान बेल्ट वान रोडको बिरोध र त्यसमा सहभागी हुनबाट नेपाललाई रोक्ने प्रयास गरेपनि भारतीय बिरोधको वेवास्ता गर्दै नेपालले त्यसमा हस्ताक्षर गरेको छ ।</p><p><br></p><p>शुक्रबार विहान परराष्ट्र सचिव शंकर दाश बैरागी र नेपालका लागि चिनियाँ राजदूत यु होङले सम्झौता पत्रमा हस्ताक्षर गरेका हुन् । सो कार्यक्रममा उपप्रधान एवं अर्थमन्त्री कृष्णबहादुर महरा र परराष्ट्रमन्त्री प्रकाशशरण महतको पनि उपस्थिति रहेको थियो ।</p><p><br></p><p>मन्त्रिपरिषदको सोमबार बसेको बैठकले चीनले अघि सारेको ‘वान बेल्ट वान रोड’ अवधारणामा सहमति जनाउँदै हस्ताक्षर गर्ने निर्णय गरेको थियो ।</p><p><br></p><p>केही समय अघि चीन भ्रमणमा गएका प्रधानमन्त्री पुष्पकमल दाहालले ओबीओआरमा हस्ताक्षर गर्ने बचन दिएका थिए । त्यसअनुसार सरकारको कार्यकालको अन्त्यतिर ‘वान बेल्ट वान रोड’ अवधारणामा हस्ताक्षर गर्ने निर्णय भएको हो ।</p><p><br></p><p>चिनियाँ राष्ट्रपति सी जिनपिङले सन् २०१३ मा यो अवधारणा अघि सारेका थिए ।<span style="line-height: 1.42857;">&nbsp;चीनले यसमा नेपालको समर्थनलाई निकै महत्वका साथ लिएको थियो । तर, यसमा दक्षिणी छिमेकी मुलुक भारतले हस्ताक्षर गरेको छैन । त्यही कारण नेपालले पनि आनाकानी गरेको आशंका गर्ने गरिएको थियो ।</span></p><p><br></p><p>तर, अब यो तोडिएको छ । ‘वान बेल्ट वान रोड’ अवधारणामा हस्ताक्षर भएसँगै चीनले नेपालमा सडक, रेल सञ्जाल लगायतमा आर्थिक सहायता उपलब्ध गराउनेछ ।</p><p><br></p><p>भारतले भने चीनको यो कदमलाई आफु बिरुद्ध एशियाली देशहरुलाई बटुलेर एक्ल्याउने चीनियाँ रणनीति भन्दै नेपाललाई यसमा सहभागी हुनबाट रोक्न दबाव दिंदै आएको थियो ।</p>