सर्वोच्चद्धारा त्रिपुरेश्वर कलंकी सडक विस्तार रोक्न आदेश

<p>११ जेठ, काठमाडौं ।<br>सर्वोच्च अदालतले त्रिपुरेश्वर कलकी सडक विस्तार रोक्न आदेश दिएको छ ।<br><br>सर्वोच्च अदालतबाट विपक्षीलाई झिकाउने र त्यस अवधीसम्म तत्काल केहि नगर्न नगराउनको लागि अन्तरिम आदेश जारी भएको हो ।<br><br>राम शरण डं्रगोल समेतको उत्प्रषण मुद्दामा का. मु. प्रधानन्यायधीश शुशिला कार्कीको एकल ईजलासले सो अन्तरिम आदेश जारी गरेको हो ।<br><br>कालीमाटीको टेकुपुल देखी सोल्टिमोड सम्म २२ मीटर सडक चौडा गर्ने भनी मिति २०७३/०१/१८ गतेकादिन डोजर तयारी अवस्थामा राखी माइकिङ गरेको थियो ।<br><br>सडक मिचेर घरबनाएकाहरुले काठमाडौ उपत्यका विकास प्राधिकरण, काठमाडौमा बुझ्दा रेखाङ्कन गरेको घर जग्गा सडकमा पर्ने भएकोले सो भत्काउन लागिएको जानकारी गराएको थियो ।<br><br>सडक मिचेकाहरुले मुआब्जा तथा क्षतिपुर्ती केही नपाएकोले सो घर जग्गा नभत्काउन भनी भौतिक पुर्वाधार मन्त्रालय, शहरी विकास मन्त्रालय तथा काठमाडौ उपत्यका प्राधिकरणमा आग्रह र दवाव दिएका थिए ।<br><br>महानगरले रेखाङ्कन गरिएको घरहरु नभत्काए अर्को हप्ता डोजर लगाई भत्काउने सूचना यसअघि जारी गरेको थियो ।<br><br>यस बिरुद्ध मिति २०७३/०२/०९ गतेका प्रधानमन्त्री तथा मन्त्रीपरिषदको कार्यालय समेत १३ जनालाई विपक्षी बनाई सर्वोच्च अदालतमा उत्प्रेषण मुद्दा दायर गरेको थियो । राम शरण डंगोल समेत १०६ जनाले दायर गरेको उक्त मुद्दामा शिक्षा स्वास्थ्य र आवासको व्यवस्था नगरे सम्म सडक सम्वन्धी कुनै पनि कार्य नगर्नु नगराउनु भनी उत्प्रेषणको आदेश माग राखेको थियो ।<br><br>आज मुद्दा उपर बहस पश्चात सर्वोच्च अदालतका का. मु. प्रधानन्यायधीश शुशिला कार्कीको एकल ईजलासले सडक विस्तार सम्वन्धि कार्य तत्काल कुनै पनि कार्य नगर्न नगराउन तथा विपक्षि झिकाउने अन्तरिम आदेश जारी गरेको हो ।<br><br></p>