16.12¡ÆC
<p>११ जेठ, काठमाडौं ।<br>बजारमा चिनीको मूल्य अनियन्त्रितरुपमा बढ्न नदिनका लागि साल्ट ट्रेडिङ कर्पोरेशनमार्फत ३० हजार मेट्रिक टन चिनी आयात गर्न लागिएको आपूर्ति मन्त्रालयले जनाएको छ ।<br><br>कर्पोरेशनबाट एक प्रतिशत भन्सार महशूलमा ३० हजार मेट्रिक टन चिनी आयात गर्ने सम्बन्धी प्रस्ताव मन्त्रालयले मन्त्रिपरिषद्मा पठाइसकेको र आगामी मन्त्रिपरिषद्को बैठकले यस सम्बन्धमा निर्णय गर्ने आपूर्ति मन्त्रालयका सहसचिव एवं प्रवक्ता आनन्दराम रेग्मीले जानकारी दिनुभयो ।<br><br>बजारमा चिनीको मूल्य अनियन्त्रित रुपमा बढ्दै जाने स्थितिलाई ध्यानमा राखी सरकारी संयन्त्र साल्ट ट्रेडिङ कर्पोरेशनद्वारा बजार हस्तक्षेप गरेर चिनीको मूल्यमा सन्तुलन कायम गरी आम जनतालाई राहत दिनका लागि कर्पोरेशनबाट चिनी आयातको व्यवस्था गर्न लागिएको सहसचिव रेग्मीले स्पष्ट गर्नुभयो ।<br><br>बजारमा केही समयअघि खुद्रा मूल्य प्रतिकिलो ६८ रुपियाँ रहेको चिनीको मूल्य साल्ट ट्रेडिङ कर्पोरेशनसँग मौजदात कम हुँदै गएपछि हाल बढेर प्रतिकिलो ८० रुपियाँसम्म पुगेको छ ।<br><br>यसअघि २०६६ सालमा साल्ट ट्रेडिङ कर्पोरेशनबाट सहुलियत भन्सार दरमा चिनी आयातको व्यवस्था नहुँदा र कर्पोरेशनसँग पनि चिनी मौज्दात नहुँदा बजारमा चिनीको मूल्य आकाशिएर प्रतिकिलो १२० रुपियाँसम्म पुगेको थियो ।<br><br></p>
