काँग्रेसी गुण्डा नाइके दावा लामामाथि गोली प्रहार

<div>काठमाडौं ।</div><div>नेपाली काँग्रेस पार्टीको छत्रछायाँमा गुण्डागर्दी गर्दै आएका आपराधिक समुहका नाईके दावा लामामाथि गोली प्रहार भएको छ ।</div><div><br></div><div>बौद्ध नयाँ बस्तिमा बस्दै आएका लामा दिव्य पार्टी प्यालेसभित्रै रहेको क्लबमा जिम गर्न जाने क्रममा आज गोली प्रहार भएको हो ।</div><div><br></div><div>उनको अवस्था खुल्न सकेको छैन भने कति गोली लागेको प्रहरीले खुलाएको छैन । गुण्डा लामाको अहिले नेपाल मेडिकल कलेज अत्तरखेलमा उपचार भइरहेको छ ।</div><div><br></div><div><b>छबिलालको छवि राम्रो देखिएन, शेरबहादुर देउवासम्मको दावालाई साथ</b></div><div><br></div><div>हाल छबिलाल जोशी बन्जाडे काठमाडौं प्रहरीको प्रमुख भएर आएलगत्तै गुण्डा नियन्त्रण गर्ने यसअघिका एसएसपी विक्रमसिंह थापाको अभियानलाई अझ कसिलो बनाउने घोषणा गरेका थिए ।</div><div><br></div><div>तर उनको बोली कसिलो त आयो काम भने ठिक उल्टो । त्यसैको उपज बनेको छ पछिल्लो समय काठमाडौंमा गुण्डाहरुको दादागीरि र सक्रियता ।</div><div><br></div><div>बन्जाड काठमाडौं आएपछि गुण्डा नाइके राम गिरी र दावा लामाबीच ठमेलमै दोहोरो भिडन्त भयो । तर उनले त्यसमा पक्राउ र कारवाही कसिलो गर्न सकेनन् ।</div><div><br></div><div>सोही भिडन्तको निरन्तरता बन्यो मंगलबार गौरीघाटस्थित दिव्य पार्टी प्यालेसमा भएको गोलीकाण्ड । ठमेलमा राम गिरीमाथि दावा लामाले आक्रमण गरेका थिए । गौरिघाटमा दावामाथि राम गिरी समूहले नै आक्रमण गरेको देखिएको छ ।</div><div><br></div><div>ठमेल काण्डमा प्रहरीले दावालाई ज्यान मार्ने उद्योगमा पक्राउ गरेपनि राम गिरीलाई सार्वजनिकस्थलमा होहल्ला गरेर शान्ति सुरक्षमा चुनौती दिएको भन्दै सार्वजनिक अपराधको मुद्दा लगाएको थियो । उनीहरु दुवै राजनीतिक पहुँचबाट छुटे ।</div><div><br></div><div>दावा लामालाई काभ्रे क्षेत्र नम्बर १ का कांग्रेस सांसद तीर्थ लामाले छुटाएका थिए । तीर्थ लामा काँग्रेसमा गुण्डागर्दीबाटै शेरबहादुर देउवाको निगाहमा सांसद बनेका व्यक्ति हुन् ।</div><div><br></div><div>उनी यसअघि पनि गुण्डा नाइके दावालाई छुटाउन हनुमान ढोकामा प्रहरी कार्यालय पुगेका थिए । सांसद लामा आफैं पनि गुण्डा नाइकेबाट शेरवहादुर देउवा निकट हुँदै सांसद बनेका हुन् ।</div>