मधेशी मोर्चाको निरंकुश कदमको मुकाबिला गर्ने ९ दलको निर्णय

<p>काठमाडौं ।<br>निर्वाचनबाट डराउने अनि निर्वाचनमा पराजित भएर मधेशको मसिहा सम्झँदै तराईका जिल्लामा अन्य दललाई सभा सम्मेलन गर्न नदिने मधेशी मोर्चाको ९ राजनीतिक दलले प्रतिकार गर्ने भएका छन् ।<br><br>नेकपा एमाले नेतृत्वको विपक्ष गठबन्धनले संयुक्त लोकतान्त्रिक मधेस मोर्चाको पछिल्लो कदमको डटेर मुकाबिला गर्ने निर्णय गरेको छ ।<br><br>सप्तरी घटनापछि समिक्षा गर्न बसेको एमालेसहितका विपक्षी गठबन्धन बैठकले मधेसी मोर्चाले निषेधको राजनीति गरेको ठहर सहित डटेर मुकाबिला गर्ने निर्णय गरेको हो ।<br><br>सिंहदरबारस्थित एमाले संसदीय दलको कार्यालयमा बुधबार बसेको बैठकमा एमाले नेताहरुले पार्टीको मेची-महाकाली अभियानबारे जानकारी गराएका थिए ।<br><br>सप्तरी घटनाको निन्दा गरिएको र मधेसी मोर्चाले गरेको निषेधको राजनीतिको डटेर मुकाबिला गर्ने निर्णय लिइएको वैठकपछि एमाले संसदीय दलका उपनेता सुवाष नेम्वाङले जानकारी दिएका छन् ।<br><br>बैठकमा विपक्ष ८ दलले मेची-महाकाली अभियानलाई निरन्तरता दिने एमालेको निर्णयको पनि स्वागत गरेका थिए ।<br><br>विपक्ष गठबन्धनका नेताहरुले सप्तरी घटनाको न्यायिक छानबिन गरी दोषी उपर कडाकारबाही गर्न पनि माग गरेका छन । एमाले नेतृत्वको विपक्ष गठबन्धनमा नेकपा माले, राष्ट्रिय जनमोर्चा, नेपाल मजदुर किसान पार्टी लगायतका दलहरु आवद्ध रहेका छन् । उनीहरुले सरकारले ल्याएको संविधान संशोधन प्रस्ताव पारित हुनै नदिने अडान पनि राख्दै आएका छन् ।<br><br>सरकारले भारतको इशारामा प्रस्ताव गरेको घातक संविधान संशोधन प्रस्तावको देशभर बिरोध भइरहेको छ । पछिल्लो पटक त्यसमा थप्दै मधेशी मोर्चाले भारतीय हिन्दी भाषालाई कामकाजी भाषा बनाउनुपर्ने, नेपाली नागरिकता लिएका भारतीय अंगिकृत नागरिकले पनि सर्वोच्च पद पाउनुपर्ने जस्ता माग थपेर संशोधन प्रस्ताव दर्ता गरेको छ ।<br><br></p>