१८ गतेदेखि निर्वाचन आचारसंहिता लागू

काठमाडौं । निर्वाचन आयोगले फागुन १८ गते बुधबारदेखि निर्वाचन आचारसंहिता लागु गर्ने भएको छ । आचारसंहिता लागु गर्नपूर्व आयोगले आइतवार १ सय १० राजनीतिदलहरुसँग छलफल गरिसकेको छ । आयोगले निर्वाचन घोषणा हुनअघि नै तयार पारेको आचार संहितामा राजनीतिक दल र सरोकारवालाहरुको सुझावलाई समेटेर अन्तिम रुप दिने र बुधबारदेखि स्थानीय तहको निर्वाचन आचारसंहिता जारी गर्ने आयोगका सचिव गोपीनाथ मैनालीले जानकारी दिनुभयो ।