अन्तर्राष्ट्रिय समुदायलाई नेपालको स्पष्टीकरणः आतंवदविरुद्ध लड्न नेपाल सक्षम र सक्रिय

<p>काठमाडौं,माघ २० ।भारतले आफ्ना निजी तथा सरकारी विमानमा सवार रहने हतियारधारी फौजी दस्ता (एयर मार्सल) का लागि नेपालमा बासस्थान मागिरहेको बेला नेपालले भने आतंकवादविरुद्ध लड्न आफू सक्षम र सक्रिय रहेको अन्तराष्ट्रिय समुदायसमक्ष स्पष्ट पारेको छ ।<br></p><p><br></p><p>काठमाडौंमा हालै सम्पन्न अन्तर्राष्ट्रिय प्रहरी अपराध संगठन (इन्टरपोल) को एसिया सम्मेलनमा सन् २००४ (२०६० साल) यता अन्तर्राष्ट्रिय आतकंवादी संगठनका सदस्यविरुद्ध आफूले गरेको कारबाही विवरण प्रस्तुत गर्दै नेपालले आतकंवादविरुद्ध लड्न मात्र होइन, परास्तै गर्न सक्षम रहेको प्रमाण पेस गरेको हो ।</p><p><br></p><p><br></p><p>ब्युरोप्रमुख डिआइजी बमबहादुर भण्डारीले नेपालले अन्तर्राष्ट्रिय आतकंवादी संगठनका पछिल्ला घोषणाले उत्पन्न सम्भावित खतराविरुद्ध तयारीबारे जानकारी गराएको खुलाए । आजको नागरिक दैनिकमा समाचार छ । उनले नेपालको चारै सुरक्षा निकायको आतकंवादकेन्द्रित कार्यप्रणालीको सारांश र विगतका कारबाहीबारे जानकारी दिइएको पनि जनाउ दिए ।</p>