बजेटको विषयलाई लिएर कांग्रेसको विरोध, संसद अवरुद्ध

Posted on: May 30, 2016 | views: 500

काठमाडौं,जेठ १७ । प्रमुख प्रतिपक्षी दल नेपाली कांग्रेसले बजेटको विषयलाई लिएर व्यवस्थापिका संसदको बैठक अवरुद्ध गरेको छ । आधा घण्टाका लागि स्थगित भएको छ ।संसदीय मूल्य मान्यता विपरित सदनमा पेश गर्नु अगाडि नै सूचना बाहिर चुहाएको भन्दै प्रमुख प्रतिपक्षी दल नेपाली कांग्रेसले संसदको बैठक अबरोध गरेको छ। अवरोधपछि वैठक आधाघण्टाको लागि स्थगित भएको छ । 

सोमबार बिहान बैठक सुरु हुनासाथ नेपाली कांग्रेसका सांसदहरुले अर्थमन्त्री विष्णु पौडेललाई कारवाही हुनुपर्ने माग गरेका थिए । कांग्रेस सांसदहरुले बजेट घोषणा हुनु अगावै त्यसका गोप्य सूचना एक दैनिक पत्रिकामा छापिएको भन्दै अर्थमन्त्रीमाथि कारवाहीको माग गरेका छन् ।