फेरी जिल्ला पस्दै गठबन्धन,काठमाडौंमा रिले अनशन, मधेसमा आमसभा

Posted on: May 27, 2016 | views: 503

काठमाडौं,जेठ १४ । संघीय गठवन्धनले जेठ १७ गतेपछि काठमाडौंमा रिले अनशन बस्ने भएको छ । गत जेठ १ गतेदेखि राजधानी केन्द्रित आन्दोलन थालेको गठबन्धनको पहिलो चरणको विभिन्न ठाउँको धर्ना तथा प्रदर्शनको कार्यक्रम सकेपछि १२ घण्टे धर्ना दिने निर्णय गरेको हो । साथै संघीय गठवन्धनले वार्ताको आहृवानसहित आफ्नो नाममा पत्र नआएसम्म सरकारसँग वार्तामा नबस्ने निर्णय पनि गरेको छ । 


गठबन्धनको शुक्रबार विहान बसेको बैठकले उक्त निर्णय गरेको हो ।  सरकारले संयुक्त लोकतान्त्रिक मधेसी मोर्चा लगायत आन्दोलनरत दलहरुलाई भन्दै वार्ताका लागि आह्वान गरेको थियो । गठबन्धनकै नाममा पत्र नपाउँदा सम्म वार्तामा नबस्ने उसले निर्णय गरेको हो । संविधान पुनर्लेखनको माग गर्दै राजधानी केन्द्रित आन्दोलन थालेको गठबन्धनकै नेताहरुले आफूहरुको मागबारे फरक फरक अभिब्यक्ति दिँदै आएका छन् । गठबन्धनको राजधानी केन्द्रित आन्दोलन शनिबार सकिने छ  ।