एनटिसीको प्रिपेड मोवाइलका ग्राहकलाई ‘क्रेडिट ब्यालेन्स’को सुविधा

<p>काठमाडौं,पुस २५ । निजी क्षेत्रको एनसेलले ल्याएको सुविधालाई टक्कर दिदै नेपाल टेलिकमले पनि आफ्ना ग्राहकको लागि ‘क्रेडिट ब्यालेन्स’को सुविधा ल्याउने भएको छ । ग्राहकलार्इ ब्यालेन्स सकिएर अप्ठयारोमा परेको बेला उपयोग गर्नका लागि क्रेडिटमा ब्यालेन्स दिने सुविधा ल्याउन लागेको हो ।<br></p><p>पोखरा उपमहानगरपालिका-१८ स्थित छिनेडाँडामा नेपाल टेलिकमको एमएसएजी एक्सचेञ्ज सेवाको उद्घाटनको अवसरमा टेलिकमकी प्रवन्ध निर्देशक कामिनी राजभण्डारीले यो जानकारी दिएकी हुन्।<br></p><p>प्रिपेड मोवाइलका ग्राहकले मात्र यो सुविधा उपयोग गर्न पाउने छन् । टेलिकमले केही दिनभित्रै यो सुविधा ल्याउने जानकारी दिएको छ। एनसेलले भने यो सुविधा ल्याइसकेको छ। यो सेवामा ब्यालेन्स सकिएपछि तत्कालका लागि १० रुपैयाँसम्म ‘क्रेडिट ब्यालेन्स’ लिन सकिन्छ।<br></p><p>ग्राहकले ‘ब्यालेन्स’ हालेपछि ‘क्रेडिट’ रकम टेलिकमको सिस्टमले आफै काट्छ । साथै कलर रिङव्याक टोन (सिआरविटी) सेवालाई पनि सुचारु गर्ने टेलिकमले तयारी थालेको छ ।<br></p>