अमेरिकामा अध्ययनरत नेपाली विद्यार्थीलाई काम गर्ने अनुमति

<p>न्यूयोर्क,पुस १५ । अमेरिकामा अध्ययरत नेपाली विद्यार्थीले थप डेढ वर्ष काम गर्न अनुमति पत्र (वर्क परमिट) पाउने भएका छन् । अमेरिकी अध्यागमन हेर्ने उच्च निकाय ‘डिपार्टमेन्ट अफ होमल्याण्ड सेक्युरिटी’ ले नेपाली विद्यार्थीहरुलाई आगामी डेढ बर्षका लागि काम गर्न अनुमति पत्र ‘वर्क परमिट’ दिने भएको हो ।<br></p><p>यसअघिको सुविधा हालै समाप्त भएका कारण, पुन अवधि लम्ब्याईएको हो । सन् २०१६ को डिसेम्बर २४ मा समाप्त भइैसकेको यो सुविधा १८ महिनाका लागि थपिएको हो ।अमेरिकी सरकारको डिपार्टमेन्ट अफ होमल्याण्ड सेक्युरिटीका सेक्रेटरी जेह जोन्सनले हस्ताक्षर गरेपछि यो सुविधा डिसेम्बर २७ देखि नै लागू भैसकेको छ । २४ जुन २०१८ सम्म कायम रहनेछ ।<br></p><p>भूकम्पबाट नेपाली परिवार प्रभावित हुँदा अमेरिकामा अध्ययनरत नेपाली विद्यार्थीहरुले पनि आर्थिक कठिनाई बेहोर्नु परेको भन्दै यो सहुलियत दिइएको थियो । नेपाली विद्यार्थीहरुले काम गर्ने अनुमति पत्र ‘वर्क परमिट’ का लागि आवेदन दिनसक्नेछन् । जुन अन्य देशबाट आएका विद्यार्थीको हकमा लागु हुँदैन् । अन्य देशका विद्यार्थीलाई थोरै घण्टाको काम गर्ने अनुमति दिने अमेरिकी अध्यागमन कानुन भएपनि, यो सहुलियतका कारण नेपाली विद्यार्थीले अतिरिक्त समयका लागि ‘वर्क परमिट’ पाउदै आएका छन् ।<br></p><p><br></p><p><b>यस्ता छन् यो सुविधा पाउने पूरागर्नु पर्ने शर्त</b></p><p><br></p><p>मुख्य शर्तको रुपमा यो सुविधा पाउन, कम्तीमा भुकम्प गएको दिन अर्थात २०१५ को अप्रिल २५ देखि वा सो भन्दा अघि देखि नै अमेरिकामा पढाई गरिरहेको हुनुपर्नेछ । विद्यार्थीले अनिवार्यरुपमा आफनो ‘विद्यार्थी हैसियत’ जोगाउनुपर्ने र त्यसका लागि प्रत्येक सेमेष्टरमा नेपाली विद्यार्थीले कम्तीमा स्नातक तहमा ६ क्रेडिट एवम स्नातकोत्तर तहका लागि तीन क्रेडिटको पढाई सुचारु गर्नुपर्ने नियम छ ।</p><p><br></p><p>यो सुचना एलिमेन्टरी स्कुल, मिडल स्कुल र हाइस्कुलका नेपाली विद्यार्थीहरुका हकमा समेत लागु हुने जनाइएको छ । तर उनीहरुका हकमा र कलेजका विद्यार्थीहरुका हकमा फरक तरिकाले लागु हुनेछ । कलेज र विद्यालय सारेका विद्यार्थीहरुका लागि समेत यो सुविधा प्राप्त हुने जनाइएको छ ।</p>