15.25¡ÆC
<p>२० मंसिर, काठमाडौं ।<br>डोनाल्ड ट्रम्प राष्ट्रपति भएपछि अमेरिकामा बस्दै आएका केही अबैध सहित अन्य नेपालीलाई समेत असर पर्नसक्ने भन्दै आएको खवरबिच अमेरिकी राजदूतले ढुक्क भएर बस्न आग्रह गरेकी छिन् ।<br><br>प्रधानमन्त्री पुष्पकमल दाहालसँगको भेटमा नेपालका लागि अमेरिकी राजदूत अलाइना टेप्लिसले ट्रम्पको बिजयले नेपाल अमेरिका सम्वन्ध र अमेरिकामा रहेका नेपालीमा कुनै असर नपार्ने बताएकी हुन् ।<br><br>प्रधानमन्त्री निवास बालुवाटारमा सोमबार विहान भएको भेटमा नेपालको समसामयिक राजनीतिक परिस्थिति र संक्रमणकालीन न्याय र यसको व्यवस्थापनका बारेमा समेत छलफल भएको प्रधानमन्त्रीको कार्यालयले बताएको छ ।<br><br>भेटमा प्रधानमन्त्री दाहालले सबैसँग सहमति जुटाएर संविधान कार्यान्वर्यन गर्न सरकार लागेको भन्दै नेपालको शान्ति प्रक्रिया र द्वन्द्व व्यवस्थापन मौलिक रहेको बताएका थिए । उनले सत्य निरुपण तथा मेलमिलाप आयोग र वेपत्ता छानविन आयोगको प्रतिवेदनका आधारमा संक्रमणकालीन न्यायको व्यवस्थापन गरिने जवाफ राजदूतलाई दिए ।<br><br>भेटमा प्रधानमन्त्री दाहालले ट्रम्पको बिजय पछि दुई देश बिच रहेको सम्वन्ध तथा अमेरिकामा रहेका नेपालीहरुलाई पर्नसक्ने असरका बारेमा सोधेका थिए ।<br><br>जवाफमा अमेरिकी राजदूत टेप्लिसले अमेरिकी राष्ट्रपति चुनावको परिणामले नेपालसँगको सम्वन्धमा कुनै असर नपर्ने भन्दै अमेरिकामा बस्दै आएका बैध नेपालीलाई समेत कुनै असर नपर्ने बताएकी थिइन् ।<br><br>अवैध रुपमा बस्दै आएकाहरुलाई यसअघि जस्तै अमेरिकी कानुन अनुसार बस्नु वा फर्कनुपर्ने नियम रहेको भन्दै ट्रम्पको बिजय पछि तत्काल फिर्ता पठाइहाल्ने भन्ने खालको कुनै नियम वा निर्णय नभएकाले तत्काल डराईहाल्नु पर्ने अवस्था नरहेको उनको भनाई थियो ।<br></p>
