संविधान संशोधन हुँदैन, प्रचण्डले सय दिनमा सिन्को भाँचेनन्-बामदेव गौतम

<p>२९ कार्तिक, प्यूठान ।<br>पूर्व उपप्रधानमन्त्री तथा एमाले उपाध्यक्ष बामदेव गौतमले कुनैपनि हालतमा संविधान संशोधन नहुने बताएका छन् ।<br><br>विदेशीको इसारामा नेपाललाई टुक्र्याउने उद्देश्यले सीमांकन हेरफेर सहितको संशोधन मान्य नहुने गौतमको भनाई छ ।<br><br>एमाले निकट पत्रकारहरुको संस्था प्रेस चौतारी प्यूठानले सोमवार खलंगामा गरेको पत्रकार भेटघाटमा बोल्दै गौतमले सरकार जनताको चाहना भन्दा विदेशीको चाहनामा अघि बढेको आरोप लगाए ।<br><br>मधेशवाद’को नाराले हिमाल-पहाडलाई अलग बनाएर देश टुक्राउने खेलमा लागेको भन्दै गौतमले भने&nbsp; ‘सरकार विदेशीको आडमा अघि बढेको छ । विदेशी रिजाउने लक्ष्य राखिएकोले तराई पहाड छुट्टाउने खेल हामी हुन दिँदैनौं ।’<br><br>मधेशमा १० प्रतिशत जनमत ल्याउन नसक्नेहरुले अरुलाई ‘मधेश बिरोधी’को आरोप लगाएको गौतमको भनाई छ ।<br><br>‘संविधान जारी गर्ने बेलामा विरोध गर्ने विधंस मच्चाउनेहरु अहिले त्यही संविधान संशोधन गर्ने भन्न नमिल्ने भन्दै गौतमको प्रश्न थियो&nbsp; ‘हिमाल(पहाडलाई तराईबाट अलग्याएर नेपाल बन्न सक्दैन ।’<br><br>नेपालको नाम फेर्ने, जातिय विभाजन गर्ने, झण्डा फेर्ने जस्ता नाराबाट माओवादी पार्टी अगाडि बढेको इतिहास कोट्याउँदै गौतमले भने ‘माओवादी नेतृत्वको सरकारले १०० दिनमा सिन्को समेत भाँच्न सकेन ।’<br><br>अख्तियार दुरुपयोग अनुसन्धान आयोगका प्रमुख लोकमानसिंह कार्की प्रकरणका बारेमा उनले भने, ‘लोकमानले आफुलाई राजामहाराजा सम्झेर अघि बढे, उनलाई कानुन बमोजिम कारवाही हुन्छ ।’<br><br></p>