कथित बन्दका नाममा तोडफोड र आगजनी गर्ने बिप्लवका २९५ कार्यकर्ता पक्राउ

<p>२८ कार्तिक, काठमाडौं ।<br>नेत्रविक्रम चन्द नेतृत्वको नेकपा 'माओवादी' ले गरेको जर्वजस्ती बन्दका क्रममा तोडफोड र आगजनी गर्दै हिँडेका चन्दका २ सय ९५ कार्यकर्ता पक्राउ परेका छन् ।<br><br>बिप्लव माओवादीले आज गरेको नेपाल बन्दका कारण राजधानी लगायत देशभर जनजीवन सामान्य प्रभाब परेको छ । <br><br>नेपाल बन्दका क्रममा जबरजस्ती बन्द गराउने २९५ जनालाई देशभरबाट प्रहरीले नियन्त्रणमा लिएको छ । <br><br>उपत्यकाका विभिन्न स्थानबाट महिला २३, पुरुष २१३ र उपत्यका बाहिरबाट महिला पाँच र पुरुष ५४ जनालाई नियन्त्रणमा लिइएको प्रहरीले जनाएको छ । <br><br>बन्दका क्रममा बुटवल उपमहानगरपालिकास्थित तिनाउ पुलनजिकै रा १ ह ४५३ नं को इ–रिक्सामा आगजनी, धरानस्थित कोसी राजमार्गमा बा ११ च १८८१ नं को बलेरो गाडी, पृथ्वी राजमार्गअन्तर्गत धादिङको थाक्रे–३ स्थित १२ किलो भन्ने ठाउँमा बिहान ७ बजे वीरगन्जबाट काठमाडाँै जाँदै गरेको ना ४ ख ७६०२ नंको रात्रि बस र सर्लाही हरिवन नगरपालिकास्थित पूर्व–पश्चिम राजमार्गमा ना ५ ख ५८ नं को ट्रकमा ढुङ्गा प्रहार हुँदा सवारी साधनमा सामान्य क्षति पुगेको प्रहरीले जनाएको छ । <br><br>पक्राउ परेकाको अनुसन्धान जारी रहेको तथा आगजनी तथा तोडफोड गरेर फरार व्यक्तिको खोजी जारी रहेको प्रहरीले जनाएको छ ।<br><br></p>