दोधारा चाँदनीको बडुवाल टोलमा बिद्युत बत्ती बल्ने भएपछि स्थानियबासी हर्षित

पप्पु गुरुङ्, २५ चैत्र, दोधारा चाँदनी/ कञ्चनपुर । हात्तीको आतंकबाट लामो समय देखि मारमा खेप्दै आएका कञ्चनपुरको दोधारा चाँदनी नगरपालिका–३ बडुवाल टोलका बासिन्दामा बिद्युत बत्ती जल्ने भएपछि उनिहरु हर्षित भएका छन् । नेपाल बिद्युत प्रधिकरणले उपलब्ध गराएको ५ वटा बिद्युत पोललाई दिएपछि चाँडै बडुवाल टोलमा बिद्युत बत्ती बल्ने भएको छ् । बडुवाल टोलमा बिद्युत बत्ती बल्ने भएपछि स्थानियहरुमा खुशी छाएको छ् । “अब बल्ल हामी सुरक्षित हुने भयौं” स्थानिय बुद्धी देबि सुनारले भने । दोधारा चाँदनीको बडुवाल टोल, वडा नं. ३ मा १ सय २५ घरधुरीमा ६ सय ६९ परिवार बस्दै आएका छन् । नेपाल बिद्युत प्रधिकरणले केही महिना अघि ६० थान पोल र एक थान ट्रान्सफरमर बडुवाल टोललाई उपलब्ध गराएको थियो । स्थानियहरुको आपसी बिबादको कारण ५ थान बिद्युत पोल अन्यत्र खोसेर लगेपछि बिद्युत लाईन बिस्तारमा समस्या आएको प्रधिकरणले जनाएको छ् । नेकपा (एमाले ) दोधारा चाँदनी नगरकमिटीका अध्यक्ष किशोर कुमारले महेन्द्रनगरबाट ढुवानी भाडा दिएर हिजै बिद्युत पोल दोधारा चाँदनीमा ल्याएपछि बडुवाल टोलमा चाँडै बिद्युत बत्ती बल्ने निश्चित भएको स्थानियबासी आशा रानाले बताएका छन् । बिगत लामो समय देखि भारतिय जंगलबाट आएको हात्तीको बथानले स्थनियहरुको बाली नोक्सानस् गनुृको साथै घरवार भत्काउदै आएको समस्या केही हद सम्म हल हुने अड्कल काट्न थालिएको छ् ।