प्रचण्डले सिकाएको पाठ । अयोग्य लडाकुद्धारा पेरिसडाँडा कब्जा (भिडियो)

<p>२२ कार्तिक, काठमाडौं ।<br>द्धन्द्धका समयमा कार्यकर्तालाई आफुले भनेको नभए कब्जा गर्न भन्दै प्रशिक्ष दिएका पुष्पकमल दाहाल प्रचण्डको प्रशिक्षण अहिले आएर आफैंलाई गलापासो हुने देखिएको छ ।<br><br>लडाकुको रुपमा द्धन्द्धमा बन्दुक बोक्न लगाएर सेना समायोजनका क्रममा अयोग्य भन्दै निकालिएका तिनै लडाकुहरुले माओवादी केन्द्रको केन्द्रिय पार्टी कार्यालय पेरिसडाँडा कब्जा गरेका छन् ।<br><br>परिवारसहित आएका माओवादीका बर्हिगमित लडाकूहरुले सोमबार दिउँसो माओवादी केन्द्रको पेरिसडाँडामा रहेको पार्टी कार्यालय कब्जामा लिएर बसेका छन् ।<br><br>बर्हिगमित लडाकूहरु परिवार तथा बालबच्चासहित माओवादी केन्द्रको पार्टी कार्यालयभित्र प्रवेश गरेका हुन् । स्मरणीय छ तिनै लडाकुका नाममा भन्दै माओवादीले लिएको अर्बौं रुपैयाँ घोटाला भएको आम आरोप लाग्दै आएको छ । जसमा अख्तियारमा समेत आरोप दर्ता भएको छ ।<br><br>प्रहरीका अनुसार बहिर्गमीत लडाकुहरु पार्टी कार्यालयमा कार्यक्रम रहेको भन्दै सुरक्षाकर्मीलाई छक्याउँदै पालै पालो कार्यालय प्रवेश गरेका थिए ।<br><br>सेना समायोजनका बेला आफूहरुलाई अयोग्य ठहर गरिएपनि आफूहरुलाई अझैसम्म न्याय नदिलाएको र सरकारसँग यसअघि भएका सहमतिको कार्यान्वयन नगरिएकाले पार्टी कार्यालयभित्रै प्रवेश गरेर आन्दोलन थालिएको बहिगर्मित लडाकुहरुले बताएका छन् ।<br><br>बहिर्गमीत जनमुक्ति सेना नेपालका अध्यक्ष लेलिन विष्टले सरकारसँग भएका सहमति कार्यान्वयन नभएसम्म आफूहरु पार्टी कार्यालयमै बस्ने प्रतिक्रिया दिएका छन् ।<br><br>विष्टले अहिलेसम्म आफूहरुलाई सरकारले कुनै सेवा सुविधा नदिएको बताए । बर्हिगमित लडाकूहरुलाई तत्कालीन माओवादीका नेता डा। बाबुराम भट्टराई प्रधानमन्त्री हुँदा बर्हिगमित लडाकूहरुलाई जनही एक लाख रुपैयाँ दिने निर्णय गरेको थियो। विष्टले भट्टराई सरकारसँग भएको ७ बुँदे सहमति कार्यान्वयन गर्न पनि सरकारसँग माग गरे।<br><br>तत्कालीन माओवादीका हाल एकीकरणपछि बनेको नेकपा माओवादी केन्द्रका अध्यक्ष पुष्पकमल दाहाल प्रचण्ड अहिले मुलुकको प्रधानमन्त्री छन्।</p><p>प्रधानमन्त्री दाहालले यिनै लडाकुका लागि भन्दै पटक पटक गरेर तीन लाख रुपैयाँ निकासाको निर्णय गराएपनि उनिहरुले भने निर्णय र निकासा अनुसारको रकम नपाएको बताएका छन् ।<br><br>बहिर्गमीत लडाकुहरुले पार्टी कार्यालय कब्जा गरेपछि सत्ता सम्हालीरहेको माओवादीलाई अर्को सकस थपिएको छ ।</p><p>संविधान संशोधन सँगै सरकार सञ्चालन समेत चुस्त नभइरहेको बेलामा आफ्नै पार्टी कार्यकर्ताको दबावपछि प्रधानमन्त्री दाहालले यसलाई अन्य पार्टीको उक्साहठमा भएको आरोप लगाउन बेर लाग्नेछैन ।</p><p>तथापी आफु सत्तामा भएको बेलामा भएको यो घटनापछि उनले राज्यढुकुटीबाट अयोग्य लडाकुका नाममा भन्दै फेरी करोडौं रकम बाँड्ने संभावना देखिन्छ ।<br><iframe src="https://www.youtube.com/embed/KAqxo68bZ4U" allowfullscreen="" width="660" frameborder="0" height="415"></iframe>
<p><br>Photo/Video source annapurnapost.com<br></p></p>