16.92¡ÆC
काठमाडौं,चैत २४ । नेपाली कांग्रेस संसदीय दलको नेता छनोटका लागि आज मतदान हुँदैछ । संसदीय दलको नेतामा सभापति शेरबहादुर देउवा नेता रामचन्द्र पौडेल भिड्दैछन् । निर्वाचन आज बिहान ११ बजेदेखि २ बजेसम्म हुनेछ । सभापति देउवा सुविधाजनक बहुमतमा देखिएका छन्। पौडेल भने सम्मानजनक भोटको खोजीमा रहेका छन् । तत्कालीन सभापति सुशील कोइरालालाई दलको नेतामा समर्थन जनाएका डेढ दर्जन सांसद देउवाका पक्षमा खुलेपछि कांग्रेस संसदीय दलको नेतामा देउवाको जित निश्चितप्रायः बनेको छ।
यस्तै १३ औँ महाधिवगेशनमा नेता पौडेलको विपक्षमा खडा भएका कृष्णप्रसाद सिटौला पक्षको मंगलबारको भेलाले निर्वाचनमा देउवालाई समर्थन गर्ने निर्णय गरेको एक नेताले बनताए। सिटौला निवासमा निकट सांसदहरुको भेला चलिरहँदा सभापति देउवा त्यही पुगेका थिए। कांग्रेस स्रोतका अनुसार २०६ जना सांसदहरुले दलको नेताका लागि मतदान गर्नेछन् । योमध्ये देउवाको पक्षमा १२५ र पौडेलका पक्षमा ७४ मत रहेको दाबी गरिएको छ ।
नखुलेको ६ मत मात्रै रहेकाले दलको नेता छनोटमा पौडेलले हार्ने लगभग निश्चित रहेको छ । दलको नेतामा निर्वाचित हुन एक सय ४ मत ल्याउनु पर्ने हुन्छ। कांग्रेसमा हाल दुई सय ७ सांसद छन्। यसअघि भएको निर्वाचनमा तत्कालीन सभापति सुशील कोइरालाले एक सय पाँच मतसहित दलको नेतामा निर्वाचित भएका थिए भने देउवाले ८९ मत पाएका थिए।
