काठमाडौंका ट्याक्सी चालकलाई जापानीको चिठ्ठी

<p>नमस्ते<br><br>म तपाईँको देश नेपालमा केही महिना अगाडि आएँ। अनि तपाइँको ट्याक्सीमा धेरैपल्ट चढेर तपाईँले बाटोमा ट्याक्सी चलाएको हेर्ने मौका पाएँ। यसबारे मलाइ केही प्रभाव परेकाले म तपाईँलाई यस चिठ्ठीका माध्यमबाट केही भन्न चाहन्छु।<br><br>ट्याक्सी चलाउने काम तपाईँलाई निकै गाह्रो र सधैं धेरै जोखिम छ । उदाहरणका लागि ट्राफिक दुर्घटना, मादक पदार्थ सेवन गरेका यात्रुसँग झमेला, लुटेराहरूसँग सामना आदी । केही यात्रुहरू आफ्नो गन्तव्य स्थानमा सकेसम्म छिटो पु¥याइदिन भन्छन्, त्यतिबेला होशियारीसाथ जोखिम लिएर पनि चलाउनुपर्छ ।<br><br>तर पर्खनुहोस्, अरु मान्छेको बारेमा पनि एक छिन सोच्नुहोस् । तपार्इँलाई थाहा छ, तपार्इँको ट्याक्सीबाट उनिहरू कस्तो आशा गर्लान् रु<br><br>पानी परेका बेला, गह्रौं झोला बोकेका बेला, नयाँ सहरमा भएका बेला वा इमर्जेन्सीका बेला, उहाँहरू अरु सवारीसाधनलाई भन्दा धेरै पैसा तिरेर तपाईँको ट्याक्सी प्रयोग गर्नुहुन्छ । तपाईँको ट्याक्सीमा आरामदायी र सुरक्षित यात्रा गर्न चाहन्छन् ।<br><br>ट्याक्सी एउटा सार्वजनिक यातायात हो, तर बस, टेम्पोभन्दा फरक हुन्छ । तपार्इँ साँघुरो बाटोबाट पनि यात्रुको घरसम्म जानुपर्छ । कहिलेकाहीँ यात्रुहरूको गह्रौं झोला बोक्नु पनि पर्छ ।<br><br>एउटा विदेशी मान्छेको हेराइमा तपाईँं यति गाह्रो काम गर्दै हुनुहुन्छ कि त्यसकारण म तपार्इँलाई अझै राम्रो काम गर्दै हुनुहुन्छ कि त्यसकारण म तपार्इँलाई अझै राम्रो कमाइ गर्न तीन वटा तरीकाहरू सिकाइ दिन चाहन्छु ।<br><br>पहिलो तरिका<br><br>आफ्नो पेसामा सधैँ गौरव गर्नुहोस् । एउटा विदेशी पाहुनाले तपाईँको देशमा आएर भेट्ने व्यक्तिहरूमध्ये तपार्इँ पहिलो व्यक्ति हुनुहुन्छ, अर्को शब्दमा विदेशीका लागि तपाार्इँ नेपालको पहिलो अनुहार हो । सुरक्षित रुपले ट्याक्सी चलाउँदै मलाइ तपार्इँले नरम र दयालु भाव देखाउनुभयो भने नै म नेपालमा रमाएर बस्नेछु ।<br><br>दोस्रो तरीका<br><br>ड्राइभिङबाट जीविका चलाउने र सडक प्रयोग मै धेरै समय विताउने तपाईले धेरै सुरक्षित साथ ट्याक्सी चलाउनुपर्छ ।<br><br>तेस्रो तरीका<br><br>इमान्दारिताका साथ ट्याक्सीमा भएको मिटर चलाउनु होस र मेरा लागि&nbsp; पनि कृपया तपाईको ट्याक्सीको अगाडि सीटमा बस्नेको लागि सिटबेल्टको व्यवस्था गरिदिनुहोस ।<br><br>अन्त्यमा सुस्वास्थ्यको कामना गर्छु ।<br><br>धन्यवाद । नमस्ते ।<br><br>ताकासिओ, जापान<br><br>(राजधानीमा ट्याक्सी चढेका एक जापानी नागरिकले ट्याक्सीचालकसँग गरेको अनुरोध)<br><br><i>नागरिक दैनिकमा खबर छ<br></i><br></p>