‘परिचयपत्र बाँडेरमात्र देशको गरिवी अन्त्य हुँदैन’ः मन्त्री थानी

<p>४ कार्तिक, सुर्खेत । <br>सहकारी तथा गरिवी निवारण मन्त्री हृदयराम थानीले परिचयपत्र बाँडेरमात्र देशको गरिवी अन्त्य नहुने बताउनु भएको छ ।</p><p>सुर्खेतको वीरेन्द्रनगरमा विहीवार पत्रकारहरुसँगै कुराकानी गर्दै मन्त्री थानीले परिचयपत्र वितरणसँगै गरिवी निवारणको प्याकेज आवश्यक रहेको औल्याउनु भयो ।</p><p>उहाँले देशका २५ जिल्लामा १२ लाख जनसंख्या मध्ये ३ लाख ५६ हजार घरधुरी गरिवीको रेखामूनी रहेको तथ्यांक जानकारी दिनु भयो ।</p><p>उहाँका अनुसार सरकारले यी जिल्लाका जनतालाई छिट्टै गरिब परिचयपत्र वितरण गर्ने तयारीमा रहेको छ ।</p><p>मन्त्री थानीले आफ्नो मन्त्रालयको नाम गरिवी निवारण भएनी गरिव निवारणसम्बन्धी कार्यक्रमहरु १४ वटा अरुनै मन्त्रालयले हेर्ने गरेको बताउनु भयो ।</p><p>ती कार्यक्रमहरु सहकारी तथा गरिवी निवारण मन्त्रालयमा ल्याउन प्रधानमन्त्रीसँग समन्वय भईरहेको छ । यदी त्यसो हुन नसके आफ्नो मन्त्रालयको समेत औचित्य नरहने उहाँको भनाइ थियो । <br></p>