सांसदको तलब बढाएर महिनाको ५५ हजार बनाईदै, घरभाडा, बिजुली लगायत खर्च छुट्टै

<p>३ कार्तिक, काठमाडौं ।<br>भूकम्प पीडितहरुले दुई बर्ष हुन लाग्दा समेत अझै राहत नपाइरहेका बेलामा सांसदहरुले भने आफ्नै तलब बढाउने प्रक्रिया अघि बढाएका छन् । यसका लागि सरकारले संसदमा विधेयक समेत दर्ता गराएको छ ।<br><br>सरकारले सांसदहरुको सेवा सुविधा बढाउने सम्बन्धी विधेयक संसदमा दर्ता गरेको छ ।<br><br>वार्षिक बजेटले बढाएअनुसारको सेवा सुविधा हेरफेर गरी मंगलबार कानुन मन्त्रालयले विधेयक संसद सचिवालयमा दर्ता गराएको छ ।<br><br>सांसदहरुको सेवा सुविधा सम्बन्धी २०५२ सालको ऐन पहिलो पटक संशोधन हुन लागेको हो ।<br><br>सरकारले यसअघि सेवा सुविधा राजपत्रमा सूचना प्रकाशित गरी हेरफेर गर्दै आएको थियो । कानुनी रुपमा सुविधा बढाउने गरी पहिलोपटक विधेयक ल्याइएको हो ।<br><br>विधेयक अनुसार अब सांसदहरुको मासिक तलब ५५ हजार हुनेछ । मासिक तलब बाहेक घरभाडा, सचिवालय खर्च, धारा, पानी बिजुलीको रकम पनि सांसदहरुले पाउनेछन् ।<br><br>सांसदहरुको तलब बढाउनुपर्ने माग गर्दै यसअघि संसद बैठकमै विशेष समय लिएर नेपाली काँग्रेसका सांसदहरुले गएको साउनदेखीकै तलब भत्ता बढाउन माग गरिसकेका छन् ।<br><br><br></p>