प्रधानमन्त्री भन्छन्-‘भारत र चीनका राष्ट्रपतीसँग एकै साथ छलफल गर्न पाउनु दुर्लभ’

<p>१ कार्तिक, काठमाडौं ।<br><br>प्रधानमन्त्री पुष्पकमल दाहाल प्रचण्डले ब्रिक्स–विमेष्टेक आउटरिच सम्मेलन विकसित र अल्प विकसित मुलुकहरुकाबिच साझ हित र समृद्धि प्राप्तिका विषयमा साझेदारीको क्षेत्र पहिल्याउने विषयमा महत्वपूर्ण रहेको बताउनु भएको छ ।<br><br>भारतको गोहामा सम्पन्न भएको व्रिक्स–विमेष्टेक आउटरिच सम्मेलनमा सहभागी भएर स्वदेश फर्कने क्रममा त्रिभुवन अन्तराष्ट्रिय विमानस्थलमा पत्रकारहरुसँग कुरा गर्दै प्रधानमन्त्री दाहालले सम्मेलनमा आफुले ब्रिक्स समुहका विकासशिल मुलुकहरुले आर्थिक सामाजिक, विज्ञान प्रविधि लगायतका विषयमा गरेको प्रगतीबाट विमेस्टेक समुहका विकासशिल र अल्पविकसित मुलुकले लाभ लिनसक्ने वातावरण सिर्जना गरिनु पर्नेमा जोड दिएको बताउनु भयो ।<br><br>प्रधानमन्त्री दाहालले सम्मेलनका क्रममा भारत, चीन, श्रीलंका, भुटानका राष्ट्र प्रमुखहरुसँग छुट्टाछुट्टै छलफल भएको र त्यसक्रममा द्वीपक्षीय हित, सम्बन्ध, हवाई र सांकृतिक सम्वन्ध लगायतका विषयमा छलफल भएको बताउनु भयो । <br><br>प्रधानमन्त्री दाहालले सम्मेलनका क्रममा भारतका प्रधानमन्त्री नरेन्द्र मोदी र चीनका राष्ट्रपती सि जिङ पिङसँग संयुक्त रुपमा अनौपचारिक कुराकानी गर्ने अवसर जुटेको र त्यसमा त्रिदेशीय साझेदारी र नेपालले लिन सक्ने लाभका विषयमा छलफल गर्ने अवसर आफुले पाएको बताउनु भयो । <br><br>प्रधानमन्त्री दाहालले भारतका प्रधानमन्त्री र चीनका राष्ट्रपतीसँग एकै साथ छलफल गर्न पाउनु नेपालका लागि एउटा दुर्लभ र सुखद संयोग भएको बताउनु भयो ।<br><br>प्रधानमन्त्री दाहालले सम्मेलनका समयमा भेट भएका सार्कका सदस्य राष्ट्रहरुसँग छिटो भन्दा छिटो सार्क शिखर सम्मेलन गर्ने वातावरण बनाउने विषयमा कुराकानी भएको पनि बताउनु भयो ।<br><br>ब्रिक्स–बिमेष्टेक आउटरिच शिखर सम्मेलनमा व्रिक्स र विमेस्टेकका गरी एघार राष्ट्रका राष्ट्र प्रमुख तथा सरकार प्रमुख सहभागी हुनु हुन्थ्यो ।<br><br>सम्मेलनमा नेपालका तर्फबाट प्रधानमन्त्री दाहालको नेतृत्वमा परराष्ट्रमन्त्री डा. प्रकाशशरण महत, परराष्ट्र सचिव, प्रधानमन्त्री तथा मन्त्रिपरिषदका सचिव लगायतका अधिकारीहरुको सहभागिता रहेको थियो ।<br><br></p>