१२ औ विकास रनिङ शिल्ड फुटवल नकआउट प्रतियोगिता आजदेखि नारायणगढको क्याम्पाचौरमा

<p>१ कार्तिक, चितवन । <br>१२ औ विकास रनिङ शिल्ड फुटवल नकआउट प्रतियोगिता&nbsp; आजदेखि नारायणगढमा सुरु हुँदैछ । नारायणगढको क्याम्पाचौरमा हुने प्रतियोगिताको उद्घाटन शिक्षा मन्त्री धनीराम पौडेलले आज दिउँसो १ बजे गर्ने कार्यक्रम रहेको छ । यस्तै उद्घाटन खेल दिउँसो साँढे २ बजे चितवन ११ र कैलाली ११ बीच हुँर्दैछ । <br><br>१६ वर्ष पछि हुन लागेको प्रतियोगितामा भारतका ४ सहित&nbsp; १५ वटा टिम सहभागि हुँदैछन् । युनाइेट क्लव सिवान, युनाइटेड खर्साङ फुटबल क्लव, एपेक्स फुटबल क्लव कालिमपोङ र सिक्किम ११ सहभागि हुदैछन् । यस्तै चितवन ११, हिमालयन युथ क्लब कैलाली, झापा ११, मोरङ फुटबल क्लब, सहारा क्लब, हिमालयन शेर्पा क्लब,&nbsp; संकटा क्लब, नेपाल प्रहरी बल, शसस्त्र प्रहरी बल, त्रिभुवन आर्मी क्लब, मनाङ मस्र्याङदी&nbsp; क्लव सहभागि हुने आयोजकले जनाएको छ । <br><br>प्रतियोगिताको विजेताले ३ लाख र उपविजेताले १ लाख रुपौयाँ, ट्रफी र मेडल पाउनेछन् ।&nbsp; प्रत्येक&nbsp; दिनको म्यान अफ द म्याच हुने खेलाडीलाई १०÷१० हजार नगद पुरस्कार दिइनेछ । त्यस्तै&nbsp; फेयर प्ले अर्वाडको रुपमा ट्रफिसहित २५ हजार नगद प्रदान गरिनेछ भने म्यान अफ टुर्नामेन्टको रुपमा नगद २५ हजार र सर्वाधिक गोलकर्ताले १५ हजार नगद पुरस्कार पाउनेछन् ।<br><br>क्याम्पाचौर खेल मैदानलाई खेलाडी एवं दर्शक मैत्री बनाउन ३ हजार दर्शक अट्ने प्याराफिट समेत निमार्ण गरिएको छ ।&nbsp; यस्तै प्रतियोगिता संञ्चालन गर्नको लागि ६७ लाख ४३ हजार रुपैयाँ लाग्ने अनुमान गरिएको आर्थिक उपसमितिका संयोजक उत्तमलाल चुकेले जानाकारी दिनुभयो । उहाँले यो प्रतियोगिताबाट प्रतिभाशाली खेलाडीहरुको खोज गरी प्रशिक्षण दिँदै शिक्षाको अवसर दिलाइ फुटवल एकेडेमीको स्थापना गर्ने लक्ष्य रहेको बताउनुभयो ।<br><br>२०३१ साल बाट सुरु भएको यो प्रतियोगिता राजनिति, आर्थिक तथा सुरक्षाको कारण नियमित रुपमा गर्न नसकिएको विकास शिल्ड समिति नारायणगढका अध्यक्ष श्यामकुमार पियाले जानाकारी दिनुभयो । यो प्रतियोगिताले खेलकुदको मध्यमबाट उद्योग, व्यवसाय र आन्तरिक पर्यटन प्रवद्र्धनमा सहयोग विका शिल्ड समितिका सचिव लक्ष्मिचरण श्रेष्ठले विश्वास व्यक्त गर्नुभयो । <br><br>प्रतियोगिताको मुख्य प्रायोजक टुर्वोक रहेको छ । आयोजकले छ वर्ष सम्म प्रतियोगिता सञ्चालन गर्नको लागि टुवोर्ग संग सम्झौता गरेको छ । खेल अवलोकन गर्नका लागि दर्शकल आज&nbsp; दिउँसो १२ बजे टिकट लिन सक्ने आयोजकले जनाएको छ । <br><br></p>