चोरहरुको भेला नगरपालिकाको चौरमा, प्रशासन बेखवर

<p>२८ असोज, चन्द्रौटा ।<br>कपिलवस्तुमा चोरहरुले नगरपालिकाको बगैंचामै भेला गरेका छन् । मोटरसाइकल चोरी गर्ने गिरोहले शिवराज नगरपालिकाको बगैँचामा भेला गरेपनि प्रशासन बेखवर बनेको पाइएको छ ।<br><br>चोरहरुले आफूहरुले कपिलवस्तु क्षेत्रमा कुनै पनि मोटरसाइकल नचोरेको सो भेलामा बताएका थिए ।<br><br>चोरहरुले रातभरि बगैँचामा खानपिन सहित बैठक गरेका थिए ।<br>रोचक कुरा त के भने चोरहरुको भेलामा कपिलवस्तु, रुपन्देही, नवलपरासी, रोल्पा, प्यूठान, दाङ र भारतबाट समेत चोरहरु सहभागी भएका थिए ।<br><br>आधा दर्जन जिल्लाका चोरहरु जम्मा भएर भेला हुँदा समेत प्रहरी प्रशासनले सुइको पाउन नसकेको हो वा पाएर पनि मुकदर्शक बसेको खवर बाहिरिएपछि जिल्लावासी अचम्मीत बनेका छन् ।<br><br>पछिल्लो समय कपिलवस्तुमा मोटरसाइकल चोरीका घटना बढेको छ । कपिलवस्तुको चन्द्रौटामा मात्रै सात महिनाको अन्तरालमा पाँचवटा मोटरसाइकल चोरी भएका छन् ।<br></p>