20.33¡ÆC
<p>२८ असोज, भोजपुर ।<br>आर्थिक अवस्थाका कारण जमल्याहा बच्चा जन्माएर पनि उपचारमा समस्या भएकी निर्मला राईलाई थप उपचारका लागि काठमाण्डौ पठाइएको छ ।</p><p>आर्थिक
अभावमा भोजपुर जिल्लाको पश्चिमी छिनामखु गाविस ४ की ३० बर्षिया निर्मलाको
ज्यान जोखीममा परेको थियो । निर्मलाको गत भाद्र २९ गते छोरी जन्मिएको ३ दिन
पछि असोज १ गते तीन दिन पछि अर्को बच्चाकारुपमा छोरालाइृ जन्म दिएकी थिइन ।</p><p>अत्याधिक रक्तश्राव भएतापनि आर्थिक अवस्थाका कारण उपचारमा समस्या
भएको जानकारी भोजपुरका स्थानिय संचारकर्मीले पाए पछि उनलाई थप उपचारका लागि
आर्थिक सहयोग संकलन कार्य शुरु गरिएको स्थानिय पत्रकार राजन राईले बताए ।</p><p>उपचारमा
नै समस्या भए पछि निर्मलाको उपचारका लागि रकम संकलन हुन थालेको छ ।
संचारकर्मीहरुलाई उपचारमा समस्या भएको जानकारी आए पछि बिभिन्न क्षेत्रबाट
सहयोग जुटन शुरु भएको स्थानिय पत्रकार राईले
बताए ।</p><p>उपचारका लागि संकलित
भएको ३४ हजार २ सय १८ रुपैया विरामी अवस्थामा रहेको निर्मला राईकी सासुआमा
मैया राईलाई भोजपुरका प्रमुख जिल्ला अधिकारी अर्जुनकुमार शर्माले गएको
शनिवार हस्तान्तरण गरेका थिए ।</p><p>सो बाहेक निर्मलाको उपचारका लागि अहिले
बिभिन्न क्षेत्रबाट सहयोग जुटनेक्रम जारी रहेको र सहयोग गर्ने प्रतिबद्धता
समेत आई रहेको सामुदायिक रेडियो चोमोलुङ्गमाका स्टेशन मेनेजर अवतारमान
राईले बताए ।</p><p>उनका अनुसार निर्मलालाई थप उपचारका गएको मंगलवार
काठमाण्डौ पठाइएको छ । निर्मलालाई संकलित ६७ हजार ५ सय रकम हस्तान्तरण गरेर
उपचारका लागि पठाइएको हो । निर्मलाको हाल काठमाण्डौको नर्भिक अस्पतालमा
उपचार भैरहेको बताइएको छ । <br><br></p>
