शौचालय नभएपछि खुल्ला चौरमै दिशापिशाब

<p>१८ असोज, रौतहट ।<br>घर घरमा चर्पी बनाउने अभियान चलिरहेपनि रौतहटमा अझै पनि कतिपयको घरमा शौचालय बन्न नसक्दा खुल्ला स्थानमानै शौच हुदै आएको छ ।</p><p>खुल्ला स्थानमा शौच गर्न जादा दुई दिन यता मात्रै २० जना भन्दा बढि लाई स्यालले टोकेर घाईते बनाएको छ । रौतहटको महम्मदपुर, गरुडाका बासिन्दा बिहानै खेतमा शौच गर्न जाने क्रममा स्यालले टोकेको हो ।</p><p>स्यालको टोकाई बाट महम्मदपुर गाबिसका ६० बर्षिय सुनापति दास, ४५ बर्षिय रामप्रित राय यादब, गरुडाका ४५ बर्षिय मोहन दास तत्मा, १३ बर्षिय भुबन साह, पुष्पान्जली देबी, मुन्नी देबी लगायत २० जना भन्दा बढि लाई स्यालले टोकेर घाईते बनाएको हो ।</p><p>उनीहरुको गरुडा स्थित हेल्थ ल्याण्ड हस्पिटल एण्ड रिसर्च सेन्टर प्रालिमा उपचार पश्चात थप उपचारको लागि काठमाण्डौ रिफर भएका छन । उक्त अस्पतालका प्रशासन फाँटका संजय चौधरीले स्यालले नाक, तिघ्रा लगायतका स्थानमा टोकेका बिरामी उपचारको लागि आएको बताउनु भयो ।</p><p>राज्यले सबैको घरमा शौचालय बनाउने अभियान चलाईरहदा लाखौ खर्च गरेपनि अझै स्थानीयस्तरमा चेतनाको बिकास हुन नसक्दा खुल्ला स्थानमा शौच गर्ने क्रम रहेको हो । <br></p>