पूर्वगृहमन्त्रीको दूर्घटनाग्रस्त गाडी भेटिएको अनुमान

<p><span style="line-height: 1.42857143;">काठमाडौं,असोज १२ । चितवनको दारेचोकस्थित घोप्टेभिरबाट आइतबार त्रिशुली नदीमा खसेर कारसहित वेपत्ता भएका पूर्वगृहमन्त्री माधवप्रसाद घिमिरेको जिप भेटिएको खोजीकर्ताले अनुमान गरेका छन् । चारदिनदेखि लगातार नेपाली सेना, सशस्त्र प्रहरी र जनपथ प्रहरीसहितको टोलीले बुधबार बेलुका पानीभित्र कुनै सवारी साधनजस्तो ठूलो वस्तु फेला पारेको अनुमान गरेको हो । &nbsp;</span><br></p><p><span style="line-height: 1.42857143;">त्यो बस्तु बाहिर निकाल्ने कार्य भइरहेको जनाएका छन् । बिहीबारसम्म त्यसलाई बाहिर निकालि सकिने, र संभवत सो वस्तु दूर्घटनाग्रस्त मोटर हुनसक्ने अनुमान गरिएको छ । &nbsp;बुधबार अबेर भएकाले करिब ३०–४० मिटर गहिरो त्रिशुली नदीबाट बाहिर निकाल्न नसकिएको उनीहरुको भनाई छ ।&nbsp;</span><br></p><p><span style="line-height: 1.42857143;">शंकास्पद वस्तु पूर्वगृहमन्त्री माधव घिमिरे चढेको जिप हो वा यसअघि खसेका ट्रक वा ग्यास बुलेट के हो अहल्यै एकिन भने हुन सकेको छैन । पूर्वमुख्य सचिव समेत रहेका घिमिरे सवार बा ९ च १५३१ नम्वरको स्कारपियो कार गत आइतवार साँझ ५ बजेतिर घोप्टेभिरबाट त्रिशुली नदीमा खस्दा घिमिरेकी ८० वर्षीया आमा चैतन्यकुमारी घिमिरे, आफन्त नारायण काफ्ले र सशस्त्र प्रहरीका सई रामचन्द्र कार्कीको मृत्यु भएको थियो ।</span><br></p><p><span style="line-height: 1.42857143;">दुर्घटनामा घाइते भएका घिमिरेका सवारी चालक विष्णु राईलाई पुरानो मेडिकल कलेजमा उपचारपछि थप उपचारका लागि मंगलबार काठमाडौं लगिएको छ ।</span><br></p>