भिरवाट लडेर मजदुरको मृत्यु

<p>९ असोज, बैतडी ।<br>भिरवाट लडेर दार्चुलामा आज दिउसो एक मजदुरको ज्यान गएको छ ।</p><p>ज्यान जानेमा झापाको&nbsp; हल्दुबारी ७ का ५० बर्षिय धन बहादुर मगराती रहेको जिल्ला प्रहरी कार्यालय दार्चुलाका प्रहरी निरीक्षक रण बहादुर चन्दले जानकारी दिनुभयो ।</p><p>दार्चुलामा रहेको अपि हाईड्रो पावरमा विद्युतको लाईन तान्ने कामदारको भान्सेका रुपमा कार्यरत रहेका मगरातीको आज दिउसो ३ बजे दार्चुलाको धुलीगडा ४ सुकेखोला भिरवाट लडेर ज्यान गएको प्रहरीले बताएको छ । </p><p>मगराती अपि हाईड्रो पावरको ड्याम अगाडी सुकेखोला भिरवाट लडेर करिव ७० मिटर तल खसेर घटनास्थलमै ज्यान गएको हो ।</p><p>झापा घर भएका मगराती तिन दिन अगाडी असोज ६ गते मात्र अपि हाईड्रो पावरमा काम गर्नका लागी दार्चुला आएका जिल्ला प्रहरी कार्यालय दार्चुलाले जनाएको छ । शव परिक्षणका लागी गोकुलेश्वर अस्पतालमा ल्याउने तयारी भईरहेको बताईएको छ ।<br></p>