स्वास्थ्य मन्त्री गगन थापाले भने-‘सुधारको नतिजा तीन महिना भित्र निस्कन्छ’

<p>६ असोज, चितवन ।<br>नेपाल सरकारका स्वास्थ्य मन्त्री गगन थापाले स्वास्थ्य क्षेत्रमा भएको सुधारको प्रारम्भिक नतिजा ३ महिना भित्र निस्कने बताएका छन् ।<br><br>आज बिहान भरतपुर विमानस्थलमा&nbsp; पे्रस युनियन, चितवनले&nbsp; आयोजना गरेको पत्रकार सम्मेलनमा&nbsp; पत्रकार हरु सँग कुरा गर्दै सो कुरा बताएका हुन् ।<br><br>चितवनमा रहेको मध्यमाञ्चल उपक्षेत्रीय भरतपुर अस्पतालको सि व्लकको उद्घाटन गर्न आइपुगेका थापाले चितवनको भरतपुर अस्पताल, बि.पी. कोइराला मेमोरियल क्यान्सर अस्पतालको अनियमितता, कमजोर व्यवस्थापन र भइरहेको श्रोत साधनको सही उपयोग नगरेको गुनासो प्रति गम्भिर ध्यान आर्कषण गरेका छन् ।<br><br>मन्त्री थापाले अस्पतलाको सेवाप्रति आंच आउने र बिरामीको मौलिक हक को बाधा पुर्याउने तल देखि माथि सम्मका कुनै कर्मचारी लाई बाँकी नराख्ने बताएका छन् ।<br><br>फरक प्रसंगमा डा.गोबिन्द के.सी.को बारेमा सोधिएको जिज्ञासामा मन्त्री गगन थापाले भने&nbsp; ‘डा.के.सीको माग पनि चिकित्सा क्षेत्रमा भएको सुधारको नै माग हो, उहांँको माग शतप्रतिशत ठीक छ, तर संसदको प्रक्रियामा जांँदा सबै माग सम्बोधन गर्न केही समय अबश्य लाग्छ’ । <br><br>साथै मन्त्री थापाले स्वास्थ्य सुधारको लागि आमनागरिक, राजनितीक दल तथा पत्रकारलाई सहयोगको लागि आग्रह समेत गरे ।<br></p>