21.56¡ÆC
<p>४ असोज, काठमाडौं ।<br>लिमिटेडलाई पुनः संचालन गर्ने निर्णयसंगै कम्पनीले औषधी उत्पादनका लागि आवश्यक आन्तरिक तयारी शुरु गरेको छ । <br><br>कम्पनीको पुनः संचालनका लागि प्रस्तावित बजेट प्राप्त भएको ३ महिनामा सरकारलाई उत्पादन बेच्ने गरी आवश्यक तयारी भएको कम्पनीका निमित्त महाप्रवन्धक रामेशकुमार महतोले बताउनु भयो । <br><br>सरकारले आफना मातहतका अस्पताल तथा सरकारी सुविधाको रुपमा जनतालाई अपलब्ध गराउने औषधीमात्र उत्पादन गरेको खण्डमा पनि नेपाल औषधी लिमिटेड सहजै संचालन हुन सक्ने देखिएको छ । सरकारले विभिन्न ७० थरीका औषधी जनतालाई निशूल्क रुपमा वितरण गर्ने गरेको छ ।<br><br>हाल औषधी कम्पनी लिमिटेडले पहिलो चरणमा विभिन्न ४८ प्रकारका औषधी उत्पादन गर्ने भए पनि तत्काल भने सिटामोल, जीवनजल आईरन चक्की जस्ता अत्यावश्यक ८ प्रकारका औषधी उत्पादन गर्ने तयारी गरेको छ ।<br><br>गत बर्ष मात्र नेपालमा २६ अर्बको औषधी आयात भएको अर्थ मन्त्रालयको तथ्याङकमा उल्लेख छ ।<br><br>नेपालमा हाल बर्षेनी अर्बै रुपैया वरावरको औषधी खपत हुने गरेकोमा करिव ५० प्रतिशत औषधि नेपाली निजी कम्पनीहरुले उत्पादन गर्दछन भने ५० प्रतिशत विभिन्न मुलुकहरुबाट आयात हुने गरेको छ । आयातको पनि ८० प्रतिशत भन्दा बढी भारतबाट मात्र आयात हुने गरेको छ ।<br><br></p>
