बाढीले कैलाली जलमग्न

<p>२८ भदौ, धनगढी ।<br>गयराती देखि परेको लगातारको बर्षासगै आएको बाढी बस्तीमा पसेपछि कैलालीमा पाच घरपरिवार बिस्थापित भएका छन् भने केहि बस्ती डुवानमा परेका छन् ।&nbsp; </p><p>स्थानीय गंगा नदीमा आएको बाढी बस्तीमा पसेर घर डुवान परेपछि चौमाला गाविसको राजीपुरका पाच परिवार बिस्थापित भएका छन् । </p><p>बाढी प्रभावित ती परिवारलाई उद्धार गरि सुरक्षित स्थानमा सारीएको कैलालीका प्रमुख जिल्ला अधिकारी गोविन्द रिजालले बताउनुभयो ।</p><p>यस्तै खुटीया नदीमा आएको बाढीले उर्मा मुक्त कमैया शिविर डुवानमा परेको छ । त्यस बस्तीमा चार फिटसम्म पानी जमेर घरभित्र पसेको स्थानीयले जानकारी दिएका छन् ।</p><p>नदीमा बाढीको सतह निकै बढेकाले धनगढीबाट सुरक्षाक्रर्मीको टोली त्यसतर्फ जान नसकेपछि उद्धारका लागि बनबेहडा स्थित सशस्त्र प्रहरीको टोली&nbsp; खटिएको प्रहरीले बताएको छ ।</p><p>यस्तै लगातारको बर्षाका कारण सदरमुकाम धनगढीका अधिकाश वडा जलमग्न भएका छन् । ढल निकास नहुदा पानी जमेर शिवनगर, बिशालनगर, तारानगर, पशुपति, क्याम्पसरोड लगायत क्षेत्र जलमग्न भएका छन् । <br></p>