जाजरकोटमा जागरण बिरुवा रोपौं बन जोगाउ

<p>२१ भदौ, जाजरकोट ।<br>क्षेत्रीय बन निर्देशक राजबहादुर राउतले बिरुवा रोपेर बन हरियाली बनाउनु पर्ने बताउनु भएको छ । निजामती सेवा दिबसको अवसरमा जिल्ला बन कार्यालय जाजरकोटले गरेको बृक्षा रोपन कार्याक्रममा यस्तो कुरा बताउनु भएको हो ।</p><p>देशभरी बन अतिक्रमणले बिकराल रुप लिएको भन्दै यसलाई सबैले रोक थाप गर्नु पर्ने बताउनु भयो । सुकुमबासीको नाउमा गैर सुकुमबासीले बन क्षेत्र अतिक्रमण गरेको बताउनु भयो ।</p><p>बनको आयोजनामा जिल्ला अस्पतालको हाता भित्र पारिजात, चिउरी, बकान्नो, रिठा, सिसौं, मसला, अमला लगाएत विभिन्न जातका दुइ सय बिरुवा बृक्षा रोपन गरिएको जिल्ला बन अधिकृत उपेन्द्र प्रसाद पटेलले बताउनु भयो ।</p><p>बृक्षा रोपन कार्याक्रममा प्रमुख जिल्ला अधिकारी जनार्दन गौतम, स्थानीय विकास अधिकारी इन्द्र गौतम, योजना अधिकृत टेकबहादुर खत्री, बरिष्ठ कृषि विकास अधिकृत चित्रबहादुर रोकाय, निमित्त जिल्ला स्वास्थ्य प्रमुख डा. चाँदनी जैसवाल, घरेलु अधिकृत शेरबहादुर शाही, जिल्ला शिक्षा अधिकारी ललीत विक्रम सिंह, त्रिउमावि खलंगाका प्र.अ हेरम्बबहादुर शाह, अनुसन्धान अधिकृत गोपाल पन्थी, निमित्त पशु विकास अधिकृत कपिल प्रसाद उपाध्या, पत्रकार, लगाएत कार्यालय प्रमुख तथा कर्मचारीहरुको सहभागिता रहेको थियो । <br></p>