झापामा ११ वटा मोटरसाईकल चोरी

<p>२० भदौ, झापा ।<br>चार्डपर्व नजिकिएसंगै झापाका मुख्य बजारमा चोरी बढेको छ । त्यसमा पनि मोटरसाइकल चोरी हुने क्रम अधिक रहेको इलाका प्रहरी कार्यालय बिर्तामोडले जनाएको छ । </p><p>प्रहरीका अनुसार गत साउन ४ गतेबाट बिर्तामोड र सुरुङ्गा बजार क्षेत्रबाट मात्रै ११ वटा मोटरसाइकल चोरी भएका छन् । चोरी भएका मोटरसाइकल मध्ये ५ वटा पल्सर र दुई वटा वुलेट छन् ।&nbsp;&nbsp; डेढ महिनाको अवधिमा ११ मोटरासाइकल चोरी भएपछि प्रहरीलाई खोजीकार्यमा अहिले मुख्य समस्या बनेको छ ।</p><p>प्रहरीले चोरीएका मोटरसाइकल मध्ये ३ वटा सवारी चेकजाँचका क्रममा&nbsp; मोटरसाइकल फेला पारी सवारीधनीलाई जिम्मा लगाएको छ भने दुई वटा अनुसन्धानको क्रममा छन् ।</p><p>मोटरसाइकलसंगै&nbsp; सार्वजनिक यातायातमा पकेट मार्ने क्रमपनि बढेको छ । चार्डपर्वको समयमा सार्वजनिक सवारीमा खचाखच हुँदै यात्रा गर्नुपर्ने यात्रुको वाध्यतालाई फाइदा उठाउदै पकेटमारले यात्रुहरुको पकेट मार्ने गरेका छन् ।</p><p>कतिपय यात्रुको पर्स,मोवाइल, गहरगहना चोरिएपछि वेर्खची बनेर वाटैमा अलपत्र पर्ने गरेको प्रहरीको भनाइ छ ।<br></p>