कतारमा रहेका अबैध कामदारलाई आम माफीको घोषणा

<p>१६ भदौ, काठमाडौं ।<br>कतार सरकारले आज 'बिहीबार' देखि अवैधरुपमा काम गरिरहेका विदेशी कामदारलाई आममाफी दिन थालेको छ ।<br><br>कतारको आन्तरिक मन्त्रालयले ३ महिनाको अवधि तोकेर आजबाट अवैध बिदेशी कामदारहरुलाई आममाफी दिन सुरू गरेको हो ।<br><br>बिहीबारदेखि सुरु भएको आममाफीको प्रक्रिया डिसेम्बर १ सम्म रहनेछ ।<br><br>कतार सरकारले यो अवधिमा विभिन्न कारण करार सम्झौता भएका कम्पनी छाडेर अरु नै ठाउँमा काम गर्दै आएका अबैध कामदारलाई प्रक्रिया पुरा गरेर स्वदेश फर्किन दिने छ ।<br><br>कतारको गृह मन्त्रालयले अवैध रुपमा बसिरहेका आप्रवासी कामदारलाई स्वदेश फर्कन सजिलो बातावरणको लागि यो निर्णय गरेको बताएको छ ।<br><br>कतारमा दशौं लाखको संख्यामा अवैध विदेशी कामदार कार्यरत रहेको बताइन्छ ।<br>कतार सरकारको निर्णय अनुसार स्वदेश फर्कन चाहने विदेशी अवैध कामदारले विना कुनै कारवाही आफ्नो देश फर्कन पाउने व्यवस्था कतार सरकारले गरेको बताएको छ ।<br><br>नेपाली कामदारको हकमा कतारमा रहेका अवैध कामदारहरुले आममाफी प्रक्रियाका लागि पासपोर्ट, पासपोर्ट नभए नेपाली दूतावासले जारी गरेको ‘ट्राभल डकुमेन्ट’, टिकट र काम गरिरहेको कम्पनीको आइडीको फोटोकपी बुझाउनुपर्ने बताएको छ ।<br><br>अवैधानिक कामदारले कामदार आइतबारदेखि बिहीबारसम्म दिउँसो २ बजेदेखि राति ८ बजेसम्म ९स्थानीय समय अनुसार० सनैयास्थित खोज तथा अनुसन्धान विभाग 'सिआइडी' मा निवेदन दिन सक्नेछन् ।<br><br>कतारले आवश्यक प्रक्रिया पुरा गरेर निवेदन दिएको तीन दिनभित्र कतारबाट बिना सजाय स्वदेश फर्किन ‘एक्जिट परमिट’ दिने बताएको छ ।<br><br>सन् २०२२ को विश्वकप आयोजना गर्न लागेको कतारले विदेशी कामदारलाई न्युन ज्याला तथा कडा परिश्रम लगाएको देखी स्वास्थ्य र ज्यान जोखिममा पार्ने काम लगाउँदै आएको आरोप खेपिरहेको छ ।<br><br>विभिन्न देशले लगाएको आरोप चिर्न अवैध कामदारलाई उनिहरुका देश फर्कन अवसर दिइरहेको कतारले यसअघि सन् २००४ मा यस्तै घोषणा गरेको थियो ।<br><br>कतारले सन् २००९ मा लागू गरेको आप्रवासी कामदर समबन्धी कानुन नम्बर ४ अनुसारका कामदारलाई आममाफी दिन लागेको हो । तर यसरी आममाफी पाएर फर्केका कामदार २ वर्षसम्म फेरि कतार छिर्न भने पाउनेछैनन् ।<br><br></p>