गोसाइँकुण्ड मेलामा दश हजार भक्तजन पुगे

<p>४ भदौ, धुन्चे ।<br>जनैपूर्णिमा पर्वका अवसरमा रसुवामा लागेको गोसाइँकुण्ड मेला आज सम्पन्न भएको छ ।<br><br>गोसाइँकुण्ड क्षेत्र विकास समितिका अध्यक्ष सञ्जीत डिएमका अनुसार आज बिहानसम्ममा सबै यात्रु आफ्नो गन्तव्यतर्फ फर्किसकेका छन् ।</p><p>यस वर्षको पर्वमा करिब १० हजार भक्तजन पुगेको अनुमान गरिएको छ ।<br><br>गोसाइँकुण्डका यात्रीमध्ये दुई हजार सातसय जनालाई लेक लाग्ने समस्या आएको र जिल्ला स्वास्थ्य कार्यालय नेपाली सेना, नारायण दलगण, हिमालय उद्धार सङ्घ र साइबाबा हस्पिटलसमेतको चिकित्सक टोलीले प्राथमिक उपचार गरेको जिल्ला स्वास्थ्य कार्यालय रसुवाले जनाएको छ । <br><br><br><br></p>